मणिपूरमध्ये निवडणूक आयोगाने बदलल्या मतदानाच्या तारखा

निवडणूक आयोगाने मणिपूरमध्ये होणाऱ्या विधानसभा निवडणुकीसाठी मतदानाच्या तारखा बदलल्या आहे. निवडणूक आयोगाच्या जुन्या निर्णयानुसार मणिपूरमध्ये पहिल्या टप्प्याचे मतदान 27 फेब्रुवारीला आणि दुसऱ्या टप्प्याचे मतदान 3 मार्चला होणार होते, मात्र आता नव्या निर्णयानुसार पहिल्या टप्प्याचे मतदान 28 फेब्रुवारीला होणार आहे आणि दुसरा टप्पा 5 मार्चला रोजी पार पडेल.

मुख्य निवडणूक आयुक्त मणिपूरच्या दोन दिवसीय दौऱ्यावर गेले असताना त्यांनी निवडणुकीच्या तयारीचा आढावा घेतला. 

मुख्य निवडणूक आयुक्त चंद्रा यांनी सांगितले होते की सिंगजामेई, थौबल, याइसकुल, वांगखेई आणि चुराचंदपूर या पाच विधानसभा मतदारसंघातील त्यांचे बूथ केवळ महिलाच सांभाळतील.