काळूबाईची आरती Kalubai Aarti

॥ काळूबाईची आरती ॥

जयदेवी जयदेवी काळूबाई पाजळल्या ज्योती |

ओवाळू आरती काळूबाई तुझी मूर्ती || धृ ||

काळूबाई स्थान तुझं ग मांढर डोंगराशी |

वरदहस्त देउनी छाया धरी पामराशी |

जयदेवी जयदेवी काळूबाई पाजळल्या ज्योती || १ ||

गोजिर मांगीर बुवा आहे गड राक्षनासी |

लाखो भक्त येती आई तुझ्या दर्शनासी |

जयदेवी जयदेवी काळूबाई पाजळल्या ज्योती || २ ||

मांढर देवी गाव पवित्र तुझ्या पायथ्याशी |

करवंदीची जाळी भोवती डोंगर माथ्याशी |

जयदेवी जयदेवी काळूबाई पाजळल्या ज्योती || ३ ||

लिंब नारळ चोळी पातळ मान तू घेसी |

पौषी पौर्णिमेला भक्ता दर्शन तू देसी |

जयदेवी जयदेवी काळूबाई पाजळल्या ज्योती || ४ ||

चाफ्यावरती नाग डुलतो पोर्णिमेदिवशी |

मांढरदेवी माता आई स्वरूप दावीशी |

जयदेवी जयदेवी काळूबाई पाजळल्या ज्योती || ५ ||

करता भक्ती तुझ्या द्वारी प्रसन्न तू होशी |

विघ्न टाळून आई इडा पीडा नेशी |

जयदेवी जयदेवी काळूबाई पाजळल्या ज्योती || ६ ||