श्री म्हाळसा देवीची आरती

ओम जय माता म्हाळसाई, जय माता म्हाळसाई,

पिंपरखेड वासिनी, उंबरखेड वासिनी । गिरणा तीरी राही ।।

ओम जय माता म्हाळसाई ।।१।। [धृ.]

प्रथम चरित्री कालिका झाली, ओम कालिका झाली,

कलकत्ता वासिनी, देवावरदायिनी । गंगा तीरी राही ।।

ओम जय माता म्हाळसाई ।।२।।

द्वितिय चरित्री रेणुका झाली, ओम रेणुका झाली,

जमदग्नीच्या लागी चरणी, परशुरामाची झाली जननी । माहूर गडी राही ।।

ओम जय माता म्हाळसाई ।।३।।

तृतीय चरित्री भवानी झाली, ओम भवानी झाली,

श्रीरामा वरदायिनी, शिवराया वरदायिनी । तुळजापुरी राही ।।

ओम जय माता म्हाळसाई ।।४।।

चतुर्थ चरित्री म्हाळसाई झाली, ओम म्हाळसाई झाली,

मणिमल्ल दैत्य वधुनी, भक्ता सुख दायिनी । जेजुरी गडी राही ।।

ओम जय माता म्हाळसाई ।।५।।

पंचमस्थानी दास गोरक्षवरदायी, ओम गोरक्षवरदायी

मम कुल वरदायिनी, सेवका वरदायिनी । भक्ता सदनी राही ।।

ओम जय माता म्हाळसाई ।।६।।

*********************** 

म्हाळसा बाणांची आरती

आरती जय शिव मल्हारी । भवभय संकट निवारी ॥धृ॥

मातले जव दोघे असुर । मणिका आणि मदन्नसुर । त्रासिले गो-ब्राह्मण फार । जहाला भूमीला भार ।

पृथ्वी ब्रह्मदेव इंद्र विष्णू । ऋषिवृन्द होती हतबुध । प्रार्थीती सकळही त्रिपुरारी । अभय दे शंभो मदनारी ॥१॥

शांतवी शंकर सकलाशी । म्हणे का भिता दैत्यासी । धाडीतो माराया त्यासी । गजानन आणि कार्तिकासाठी ।

स्वये मी घेतो अवतार । सगुण साकार हाती तलवार । दावीतो त्यांना यमनगरी । प्रबळ माझी धृतमार्गी ॥२॥

लागले द्वंद्वयुध्द हे जेव्हा दैत्य हे नारोपती । मांडिला देवांनी धावा । शंकरा धावा हो पावा । ऐकुनी करुणा देव वाणी ।

उठे शूळपाणे, खड्गपाणी मिळाले मुक्तिपद असुरी । स्थापिती तुजला जेजुरी ॥३॥

चंपाषष्ठी रविवार । मार्गशीर्षातला अवतार । अर्पिती पूजा उपचार । उधळिती बेल भंडार । येळकोट मल्हारी बोला ।

म्हाळसाकांत आमुचा तात मुख्य दैवता । भैरवा मार्तंडा तारी । मागतो दास तुझा वारी ॥४॥

शुभं भवतु ॥

शिवा मल्हारिया येळकोट येळकोट हो....॥