श्री संत बाळूमामा आरती

॥ श्री संत बाळूमामा आरती ॥

जयदेव जयदेव जय बाळूमामा ।

आरती ओवाळू तुज कैवल्य धामा ॥ धृ ॥

धनगर कुलाचा उद्धार झाला ।

अवतरले संत अकोळ गावाला ।

बालपणी त्यानी चमत्कार केला ।

वस्तीचे दर्शन भोजन थाळीला ॥ १ ॥

जयदेव जयदेव जय बाळूमामा...

मेंढ्या राखिती उन्हातानात ।

मुक्या प्राण्यावर अपार प्रीत ।

नीतीने वागावे कमी नाही होत ।

उन्मत्ताला मामा शासन करीत ॥ २ ॥

जयदेव जयदेव जय बाळूमामा...

गोसावी रूपात देवदूत आले ।

मामांचे त्यांनी सत्व पाहिले ।

अवघड विहिरीचे पाणी पाजता ।

आशीर्वाद देवी प्रसन्न होता ॥ ३ ॥

जयदेव जयदेव जय बाळूमामा...

दीन दुबळ्यांना मामा राक्षिती ।

निपुत्रिकाला मामा संतान देती ।

कण्या रोगाल्या औषधी होती ।

भंडाऱ्याचा महिमा वर्णावा किती ॥ ४ ॥

जयदेव जयदेव जय बाळूमामा...

पृथ्वीतलावर मामांची सत्ता ।

देती वचन आपुल्या भक्ता ।

आदमापूर क्षेत्री समाधी घेता ।

स्वप्नी दर्शन भक्तांना देता ॥ ५ ॥

जयदेव जयदेव जय बाळूमामा...

॥ बोला संत बाळूमामा महाराज की जय ॥