केसांना गरम तेलाने मसाज करताना या चुका करू नका

महिलांच्या सौंदर्याचा महत्तवाचा भाग म्हणजे त्यांचे केस. केसांना सुंदर बनवण्यासाठी महिला खूप काळजी घेतात. वेळोवेळी तेलाने, कधी थंड तेलाने तर कधी गरम तेलाने मसाज करावी, जेणेकरून केसांची वाढ चांगली होते. केसांना सखोल पोषण देण्यासाठी गरम तेलाची मालिश करण्याची शिफारस केली जाते, बर्याच स्त्रियांना असे वाटते की जर त्यांनी तेल गरम केले आणि ते केसांना लावले तर त्यांच्या केसांना फायदा होईल. तेल गरम केल्याने टाळूच्या आत पोषण मिळण्यास मदत होते. परंतु गरम तेलाच्या मसाजच्या वेळीही तुम्ही केलेल्या काही चुकांमुळे केस आणि टाळू खराब होऊ शकते. जाणून घ्या काही महत्त्वाच्या टिपा-

गरम तेल लावल्यानंतर लगेच केस धुवू नका- ज्याप्रमाणे गरम तेलाने मसाज करण्यापूर्वी केस स्वच्छ करणे आवश्यक आहे, त्याचप्रमाणे मसाज केल्यानंतर केसांच्या स्वच्छतेकडे पुरेसे लक्ष दिले पाहिजे. तेल लावल्यानंतर तुम्ही ते तासाभर ते रात्रभर सोडू शकता, परंतु बाहेर जाण्यापूर्वी केस धुणे आवश्यक आहे. कारण हे तेल तुमच्या केसांमधली धूळ आणि घाण चिकटू शकते, ज्यामुळे तुमच्या केसांना नुकसान होते.

घाणेरड्या केसांना तेल मसाज करू नका- डोके धुण्यापूर्वी नेहमी गरम तेलाचा मसाज करुन केस धुणे ही सामान्य बाब आहे परंतु पण तुम्ही हेही लक्षात ठेवावे की तुमचे केस आणि टाळू स्वच्छ असताना गरम तेल उपचार उत्तम काम करतात. त्यामुळे तेल लावण्यापूर्वी एक दिवस आधी केस धुण्यास विसरू नका.

जेव्हा मसाज करण्यासाठी तेल जास्त गरम नसते- हॉट ऑयल मसाजवेळी तेल गरम केलं जातं पण ते जास्त गरम नसावे याचीही काळजी घ्यावी. जर तेल खूप गरम असेल तर ते तुमच्या बोटांना आणि टाळूला इजा करू शकते. तसेच अति उष्णतेमुळे तुमची टाळू जळू शकते आणि केस खराब होऊ शकतात.

चुकीचे तेल निवडू नका - गरम तेलाच्या मसाज दरम्यान, तेल गरम केले जाते आणि प्रक्रिया केलेल्या तेलांमध्ये असलेली रसायने केस खराब करू शकतात. जर तुम्हाला गरम तेलाचा मसाज करायचा असेल तर नेहमी व्हर्जिन किंवा ऑरगॅनिक तेल घ्या.