Gold Silver Price Today: सोन्याची किंमत वाढत आहे. गेल्या काही दिवसांपासून सोन्याची नव्या विक्रमाकडे वाटचाल सुरू आहे. आज सोने बाजार सुरू झाल्याने किरकोळ स्वस्त झाले, मात्र बाजार बंद होईपर्यंत सोन्याच्या दरात पुन्हा उसळी दिसून आली. मात्र, या आठवड्यात सोन्याच्या दरात घसरण होण्याची शक्यता तज्ज्ञांनी व्यक्त केली आहे.
आज सोन्या-चांदीचे दर काय आहेत?
मल्टीकमोडिटी एक्सचेंज (MCX)वर आज सकाळी 24 कॅरेट शुद्ध सोन्याची फ्युचर्स किंमत 16 रुपयांनी घसरून 53,248 रुपये प्रति 10 ग्रॅमवर सुरू झाली, तर संध्याकाळी ती 53,361 वर होती. याआधी सोमवारी सोन्याच्या दरात सुमारे 500 रुपयांची उसळी होती. सकाळी सोन्याच्या दरात घसरण झाली होती, मात्र संध्याकाळी सोन्याच्या दरात पुन्हा वाढ झाली आहे.
सकाळी चांदीच्या दरातही किंचित नरमाई दिसून आली. चांदीचा भावही 101 रुपयांनी किंवा 0.14 टक्क्यांनी घसरून 69,998 रुपये प्रति किलो झाला, तर चांदीचा भाव एका दिवसापूर्वी 70 हजारांच्या वर होता. तर चांदीचा भाव 219 रुपयांनी वाढून 70,195 रुपयांवर आहे.