Gold Silver Price Today: सोन्याचे भाव घसरले, चांदी वधारली, जाणून घ्या आजचा भाव

रुस-युक्रेन युद्धाचा परिणाम सोन्या-चांदीच्या किमतीवरही दिसून येत आहे. जगभरातील मोठ्या संख्येने लोक सोन्या-चांदीकडे गुंतवणूकीचा पर्याय म्हणून पाहतात. गेल्या काही वर्षांत दोन्हीच्या किमतीत मोठी वाढ झाली आहे. याशिवाय सोन्या-चांदीचाही दागिने म्हणून वापर केला जातो. उत्पादन शुल्क, राज्य कर आणि मेकिंग चार्जेसच्या आधारावर देशभरातील वेगवेगळ्या राज्यांमध्ये सोन्याच्या किमतीत चढ-उतार होत असतात. आपण गुंतवणूक किंवा सोने किंवा चांदी खरेदी करणार असाल तर आजचा भाव जाणून घ्या.

आज एमसीएक्सवर सोन्याच्या दरात थोडीशी घसरण झाली आहे. 24 कॅरेट सोन्याच्या 10 ग्रॅमच्या दरात 45 रुपयांनी घट झाली आहे. अशा स्थितीत त्याची आजची किंमत 51,771 रुपये आहे. तर चांदीच्या किंमतीत 29 रुपयांची किंचित वाढ झाली आहे. आज 1 किलो चांदीचा भाव 67,028 रुपये आहे. अशा स्थितीत आज चांदीच्या दरात 0.04 टक्क्यांनी वाढ झाली आहे. मग आपल्या शहरातील सोन्याचे भाव काय आहेत? हे आपण  मोबाईल फोनवर इंटरनेटद्वारे याबद्दल तपासू शकता.

सोने खरेदी करताना त्यावर केलेले हॉलमार्क नक्की पहा. हे चिन्ह सोन्याची शुद्धता दर्शवते. अशा परिस्थितीत या चिन्हाद्वारे त्याची शुद्धता तपासू शकता.