मुदत ठेवीच्या (फिक्स्ड डिपॉझिट) माध्यमातून मोठे उत्पन्न मिळवणारे लोक आता आयकर विभागाच्या रडारवर आहेत. मुदत ठेवींच्या माध्यमातून ५ लाखांहून अधिक उत्पन्न मिळवणाऱ्या लोकांवर आता आयकर विभागाची नजर असेल. बँकांमधील मुदत ठेवींवरुन व्याज मिळवणाऱ्यांमध्ये ज्येष्ठ नागरिकांचे प्रमाण मोठे आहे. मुदत ठेवींवर मिळणाऱ्या उत्पन्नाची माहिती कर भरताना न देणाऱ्यांची संख्या जास्त असल्याने आयकर विभाग सतर्क झाला आहे. कर भरणाऱ्यांचे प्रमाण वाढवण्यासाठी हे पाऊल उचलले जाणार आहे.