जेम्स बॉन्डची अर्थात पियर्स ब्रॉसननची भारतातील पान मसाला कंपनीने फसवणूक केल्याचे हॉलिवूड अभिनेता पियर्स ब्रॉसननने म्हटले आहे.पियर्स ब्रॉसनन काही दिवसांपूर्वीच एका पानमसल्याची जाहिरात करताना दिसला. ही जाहिरात झळकल्यानंतर त्याच्यावर टीका सुरु झाली. तसेच दिल्ली सरकारने अभिनेता पियर्स ब्रॉसननला कारणे दाखवा नोटीसही जारी केली. यावर दिलेल्या उत्तरात पियर्स ब्रॉसननने पानमसाला कंपनीने फसवणूक केल्याचे म्हटले आहे.
पान मसाला आरोग्यासाठी हानिकारक असतो हे मला जाहिरात करण्याआधी सांगितले गेले नाही. ते सांगितले गेले असते तर ही जाहिरात मी स्वीकारली नसती. पान मसाला कंपनीने माझी फसवणूक केली. कंपनीने माझ्यासोबत केलेल्या करारात त्यांच्या उत्पादनामुळे काय नुकसान होऊ शकते याचा खुलासा केला नाही.
