Petrol-Diesel Price: पेट्रोल-डिझेल कधी स्वस्त होणार? जाणून घ्या आजच्या किमती

गेल्या वर्षभराहून अधिक काळ देशात पेट्रोल आणि डिझेलच्या दरात कोणताही बदल झालेला नाही. मात्र आता लवकरच पेट्रोल स्वस्त होण्याची शक्यता आहे.  पेट्रोलियम मंत्री हरदीप सिंग पुरी यांनी शनिवारी पेट्रोल आणि डिझेलच्या दरात कपात करण्याचे संकेत दिले आहेत.  ते म्हणाले की, कच्च्या तेलाच्या किमती स्थिर राहिल्यास तेल विपणन कंपन्या पेट्रोल आणि डिझेलच्या किमतीत कपात करण्याचा निर्णय घेऊ शकतात. पुरी म्हणाले की, पुढील तिमाहीत तेल कंपन्यांची कामगिरी चांगली राहिल्यास पेट्रोल आणि डिझेलच्या दरात कपात करण्याची स्थिती चांगली असेल.  

आंतरराष्‍ट्रीय बाजारात ब्रेंट कच्च्या तेलाच्या किमतीत घसरण झाली आहे. ताज्या अपडेटनुसार, ब्रेंट क्रूड प्रति बॅरल $74.79 वर आहे. तर WTI क्रूड प्रति बॅरल$70 आहे. दुसरीकडे, भारतीय बाजाराबद्दल बोलायचे झाले तर, राष्ट्रीय स्तरावर पेट्रोल आणि डिझेलचे दर स्थिर आहेत

भारतीय तेल विपणन कंपन्यांनी गेल्या वर्षी एप्रिलमध्ये पेट्रोल आणि डिझेलच्या किमतीत बदल केले होते.मे महिन्यात केंद्राने पेट्रोल आणि डिझेलवरील उत्पादन शुल्क कमी केले. त्यानंतर देशात पेट्रोल आणि डिझेलच्या दरात कोणताही बदल झालेला नाही पेट्रोल आणि डिझेलचे दर काय आहेत ते जाणून घेऊया. 

आजही देशाची राजधानी दिल्लीत पेट्रोलचा दर 96.72 रुपये तर डिझेलचा दर 89.62 रुपये प्रतिलिटर आहे. मुंबईत पेट्रोल 106.31 रुपये आणि डिझेल 94.27 रुपये, चेन्नईमध्ये पेट्रोल 102.63 रुपये आणि डिझेल 94.24 रुपये आणि कोलकातामध्ये पेट्रोल 106.03 रुपये आणि डिझेल 92.76 रुपये आहे. 

आंतरराष्ट्रीय बाजारपेठेतील कच्च्या तेलाच्या आधारावर तेल विपणन कंपन्या दररोज पेट्रोल आणि डिझेलच्या किमतींचा आढावा घेऊन दर निश्चित करतात.  

Edited by - Priya Dixit