भारतीय स्टेट बँकेने 75 व्या स्वातंत्र्य दिनानिमित्त प्लॅटिनम डिपॉझिट स्कीम (SBI Platinum Deposit Scheme) सुरू केली आहे. या योजनेअंतर्गत, एसबीआय रिटेल ठेवीदारांना 0.15 टक्के पर्यंत अतिरिक्त व्याज मिळेल. ही योजना मर्यादित कालावधीसाठी उपलब्ध आहे. योजना 15 ऑगस्ट रोजी सुरू झाली आणि 14 सप्टेंबर रोजी संपेल.
एसबीआयने आपल्या अधिकृत ट्विटर हँडलवरून ट्विट केले आणि म्हटले की, “प्लॅटिनम डिपॉझिटसह देशाचे स्वातंत्र्य साजरे करण्याची वेळ आली आहे. एसबीआयच्या सहकार्याने मुदत ठेवी आणि विशेष मुदत ठेवींचा लाभ घ्या. ही ऑफर फक्त 14 सप्टेंबर 2021 पर्यंत वैध असेल.