‘वेड’चित्रपटाने आतापर्यंत १८ कोटी रुपयांपेक्षा अधिक कमाई केली

रितेश देशमुख व जिनिलीया देशमुखच्या ‘वेड’चित्रपटाची सध्या जोरदार चर्चा रंगत आहे.हा चित्रपट पाहण्यासाठी प्रेक्षक चित्रपटगृहामध्ये गर्दी करत आहेत.

जिनिलीयाचं मराठीमध्ये पदार्पण तर रितेशचा हा दिग्दर्शनाचा पहिलाच मराठी चित्रपट आहे.या सेलिब्रिटी कपलने प्रेक्षकांच्या मनावर अधिराज्य गाजवलं आहे. शिवाय बॉक्स ऑफिसवरही ‘वेड’चा बोलबाला पाहायला मिळत आहे.या चित्रपटाने प्रदर्शनाच्या पहिल्या दिवशी २ कोटी २५ लाख रुपये कमाई केली.

तर दुसऱ्या दिवशी ३ कोटी २५ लाख रुपये गल्ला जमावला.रविवारी ४ कोटी ५० लाख तर सोमवारी ३ कोटी रुपये ‘वेड’ चित्रपटाने कमावले.

प्रदर्शनाच्या पाचव्या दिवशी २ कोटी ६५ लाख रुपये तर सहाव्या दिवशी २ कोटी ५५ लाख रुपयांचा फायदा ‘वेड’ चित्रपटाला झाला.या चित्रपटाने आतापर्यंत १८ कोटी रुपयांपेक्षा अधिक कमाई केली आहे.रितेश व जिनिलीयाच्या या चित्रपटावर प्रेक्षक भरभरून प्रेम करत आहेत.आता ‘वेड’ चित्रपट कमाईच्या बाबतीत इतर चित्रपटांचा रेकॉर्ड ब्रेक करणार का? हे पाहावं लागेल.
Edited by : Ratnadeep Ranshoor