पाकिस्तानी क्रिकेटपटूवर बलात्काराचा आरोप,14 वर्षीय अल्पवयीन मुलीने दाखल केली FIR

पाकिस्तानी क्रिकेटपटू यासिर शाहच्या विरोधात 14 वर्षीय अल्पवयीन मुलीने बलात्कार केल्याच्या आरोपावरून तक्रार दाखल केली 

पाकिस्तानचा दिग्गज लेगस्पिनर यासिर शाह अडचणीत सापडला आहे. एका 14 वर्षीय अल्पवयीन मुलीने त्याच्यावर बलात्काराचे गंभीर आरोप केले आहेत. यासिर विरुद्ध इस्लामाबादमध्ये एफआयआरही नोंदवण्यात आला आहे. वृत्तानुसार, यासिर शाहचा मित्र फरहान याच्याविरुद्धही पोलिसांत गुन्हा दाखल करण्यात आला आहे.

यासिर शाह हा पाकिस्तानी कसोटी संघातील प्रमुख खेळाडूंपैकी एक आहे. त्याने आतापर्यंत 46 कसोटी सामने खेळले असून 31.09 च्या सरासरीने 235 बळी घेतले आहेत. या फॉरमॅटमध्येही त्याच्या नावावर शतक आहे.

एफआयआरमध्ये पीडिता म्हणाली, यासिर सरांचे मित्र फरहानने पिस्तूलचा धाक दाखवत माझ्यावर बलात्कार केला. एवढेच नव्हे तर त्यांनी याचे व्हिडीओ देखील बनवले. मी जेव्हा नासिर सरांना या बाबत व्हाट्सअप करून सांगितले. तर यासिर सरांनी माझी टिंगल टवाळी करत म्हणाले, मालक देखील अल्पवयीन मुली आवडतात.

इस्लामाबाद पोलिसांनी यासिरविरुद्धच्या एफआयआरला दुजोरा दिला आहे. पीडित अल्पवयीन मुलीची लवकरच वैद्यकीय चाचणी केली जाईल, त्यानंतरच पुढील कारवाई केली जाईल, असे पोलिसांनी सांगितले. यासीर फोनवर तोंड बंद ठेवण्याची धमकी देत ​​असे आणि मित्र फरहानशी लग्न करण्यासही सांगत असे, असे मुलीने निवेदनात म्हटले आहे.

14 वर्षीय पीडित मुलीच्या काकांनीही पोलिसांना जबाब दिला आहे. त्यानुसार मुलीचा फोन नंबर यासिर शाहने फरहानला दिला होता. यानंतर फरहान सतत तिच्याशी बोलत राहिला. नंतर बंदुकीच्या धाकावर बलात्कार केला. यासिर सतत तरुणीवर फरहानशी लग्न करण्यासाठी दबाव टाकत होता. मुलीने लग्नास नकार दिल्यावर यासीरने तिला गप्प राहण्याची धमकी दिली.