श्रीलंकेविरुद्ध 13 जुलैपासून सुरू होणार्‍या मर्यादित ओव्हरच्या मालिकेत सूर्यकुमार यादवच्या कामगिरीवर सर्वांचे लक्ष असेल.यावर्षी टी -20 विश्वचषक बघता आंतरराष्ट्रीय स्तरावर सूर्यासाठी आपली कार्यक्षमता दाखवण्याची ही शेवटची संधी असेल. सूर्यकुमार बऱ्याच दिवसांपासून रोहित शर्माच्या नेतृत्वात खेळत आहे आणि त्याच्या नेतृत्वात मुंबईच्या या फलंदाजाची कामगिरीही उत्कृष्ट आहे.त्याचबरोबर सूर्याने विराट कोहलीच्या नेतृत्वात टीम इंडिया कडूनही खेळले आहे. दरम्यान, सूर्यकुमारने कर्णधार म्हणून रोहित आणि कोहलीच्या वैशिष्ट्यां बद्दल सांगितले आहे .
सूर्यकुमार म्हणाले, “रोहित शर्मा कर्णधार म्हणून गोलंदाजी आणि फिल्डिंग बदलांविषयी आपल्या विचारात अगदी स्पष्ट आहे. 8 वर्षातील 5 शीर्षके ही एक मोठी उपलब्धी आहे, प्रत्येकजण संघाला स्वत: पुढे ठेवण्याच्या त्याच्या गुणवत्तेचे कौतुक करतो. रॉयल चॅलेंजर्स बेंगळुरू आणि भारतीय कर्णधार याचा तो मोठा चाहता असल्याचे मुंबईच्या या फलंदाजाने सांगितले.
सूर्यकुमार विराट बद्दल म्हणाले, 'विराट कोहलीबद्दल मला खूप आदर आहे, मी त्याच्या विरुद्ध खेळताना मला आनंद होतो. माझ्या कारकीर्दीत मी त्यांनी क्षेत्रात आणलेली उर्जा नेहमीच पाहिली आहे आणि टी -20 मध्ये आपल्या तिसऱ्या क्रमांकाची जागा मला देणे ही माझ्यासाठी मोठी गोष्ट होती.त्या दिवशी त्यांनी माझ्या भावनांना ओळखून घेतले आणि या मुळे मला खूप गहिवरून आले.
सूर्यकुमार यादवने यावर्षी मार्चमध्ये इंग्लंड विरुद्ध टी -20 मालिकेत पदार्पण केले होते. त्याने 3 पैकी दोन सामन्यांमध्ये फलंदाजी केली आणि 185.42 च्या स्ट्राइक रेटने 89 धावा केल्या.आंतरराष्ट्रीय कारकीर्दीत जोफ्राआर्चर च्या पहिल्याच चेंडूवर सहा रन लावून सूर्यकुमारने प्रत्येकाला त्याच्या क्षमतेची जाणीव करुन दिली. सूर्याने गेल्या काही वर्षांपासून सातत्याने आयपीएलमध्ये चांगली कामगिरी केली आहे, म्हणूनच त्यांना भारतीय संघात जाण्याची संधी मिळाली.
