MI vs CSK: महेंद्रसिंग धोनी मुंबईविरुद्धच्या सामन्यासाठी परतणार? काय म्हणाले प्रशिक्षक

चेन्नई सुपर किंग्सचा सामना गुरुवारी मुंबई इंडियन्सशी होणार आहे. या हाय-व्होल्टेज सामन्यात धोनी खेळेल अशी चाहत्यांना आशा आहे. आता, संघाच्या गोलंदाजी प्रशिक्षकाने धोनीच्या पुनरागमनाबाबत एक मोठी माहिती दिली आहे.  

चेन्नई सुपर किंग्सचा माजी कर्णधार महेंद्रसिंग धोनी ३३ व्या आयपीएल सामन्यात खेळणार की नाही, यावर उत्सुकता कायम आहे. सीएसकेचा सामना गुरुवारी वानखेडे स्टेडियमवर मुंबई इंडियन्सशी होणार आहे. या सामन्यात धोनी खेळेल अशी चाहत्यांना अपेक्षा आहे. संघाचे गोलंदाजी प्रशिक्षक, एरिक सायमन यांनी एक मोठी माहिती दिली आहे.

सीएसकेचे गोलंदाजी प्रशिक्षक काय म्हणाले?

सायमन यांच्या मते, सामन्याच्या दिवशी वैद्यकीय टीमकडून धोनीच्या तंदुरुस्तीचे मूल्यांकन केले जाईल, परंतु अंतिम निर्णय धोनी स्वतः घेईल. तो म्हणाला, "धोनी खेळणार की नाही याचा निर्णय सामन्याच्या दिवशी घेतला जाईल. तो पूर्णपणे तंदुरुस्त असेल तर खेळू शकतो."

दरम्यान, चेन्नईचा कर्णधार ऋतुराज गायकवाडनेही धोनीच्या पुनरागमनाबद्दल एक मोठा संकेत दिला आहे. त्याने सांगितले की, धोनीच्या दुखापतीत सुधारणा होत असून तो लवकरच मैदानावर परत येऊ शकतो. गायकवाड म्हणाला, "सराव सामन्यादरम्यान त्याच्या पोटरीला दुखापत झाली, ज्यामुळे त्याला धावणे कठीण झाले होते. आता तो हळूहळू बरा होत आहे. तो पुढच्या किंवा त्यानंतरच्या सामन्यात खेळू शकतो. तो नक्कीच परत येईल."

Edited By- Dhanashri Naik