Dinesh Karthik Birthday: टीम इंडिया 9 जूनपासून 5 टी-20 सामन्यांची मालिका खेळणार आहे. या संघात दिनेश कार्तिकलाही स्थान मिळाले आहे. अनुभवी यष्टिरक्षक फलंदाज दिनेश कार्तिक आज (1 जून) त्याचा 37 वा वाढदिवस साजरा करत आहे. कार्तिकच्या वैयक्तिक आयुष्यातही त्याच्या व्यावसायिक आयुष्याप्रमाणेच अनेक गोंधळ पाहायला मिळाले आहेत. तर आज आम्ही त्यांच्या वैयक्तिक आयुष्याबद्दल सांगणार आहोत.
पहिल्या लग्नात फसवणूक झाली
दिनेश कार्तिकच्या वैयक्तिक आयुष्याविषयी बोलायचे झाले तर, भारतीय क्रिकेटचा आणखी एक खेळाडू मुरली विजयसोबतचा त्याचा वाद कुणापासून लपलेला नाही. खरंतर, कार्तिकने निकिता वंजारासोबत पहिल्यांदा लग्न केले होते, पण काही वर्षांनीच त्यांचे लग्न संपुष्टात आले . दिनेशने निकिताला घटस्फोट दिला तेव्हा ती गरोदर होती. घटस्फोट होताच निकिताने मुरली विजयसोबत लग्न केले. स्क्वॉशपटू दीपिका पल्लीकल दिनेशच्या आयुष्यात आल्यावर पत्नीच्या फसवणुकीमुळे दिनेश हादरला होता.
दीपिकाने वाईट काळात साथ दिली
दिनेश कार्तिकच्या या वाईट काळात दीपिकाने (दीपिका पल्लीकल) त्याला खूप साथ दिली. यानंतर दोघांनीही लवकरच एंगेजमेंट केली, मात्र याचा खुलासा केला नाही. ऑक्टोबर 2014 मध्ये एका कार्यक्रमादरम्यान, दोघांनी 2015 मध्ये लग्न करू शकतो असे सांगितले आणि असे झाले की दोघांनी 2015 मध्ये लग्न केले. दिनेश कार्तिक हिंदू आणि दीपिका ख्रिश्चन असल्यामुळे दोघांनीही दोन्ही रितीरिवाजानुसार लग्न केले.
IPL 2022 मध्ये शानदार पुनरागमन
IPL 2022 मध्ये दिनेश कार्तिक रॉयल चॅलेंजर्स बंगलोर (RCB)चा भाग होता. दिनेश कार्तिक 37 वर्षांचा झाला आहे. या वयातही त्याने आपल्या चपळाईने युवा खेळाडूंना अपयशी केले. दिनेश कार्तिकने IPL 2022 मध्ये 16 सामन्यात 55.00 च्या सरासरीने 330 धावा केल्या. कार्तिकच्या आयपीएलमधील चमकदार कामगिरीमुळे त्याला टीम इंडियामध्ये स्थान मिळाले आहे.