ICC Rankings: मिताली राज अव्वल 5 मध्ये कायम,पूजाने ही मोठी कामगिरी केली

ताज्या ICC महिला एकदिवसीय रँकिंगमध्ये, भारतीय कर्णधार मिताली राजने तिचे पाचवे स्थान कायम राखले आहे, तर पाकिस्तानविरुद्धच्या एकदिवसीय विश्वचषकात शानदार खेळी करणाऱ्या पूजा वस्त्राकरनेही मोठी कामगिरी केली आहे. पूजाने आता फलंदाजांच्या क्रमवारीत कारकिर्दीतील सर्वोत्तम रँकिंग गाठली आहे.

 महिला एकदिवसीय विश्वचषक 2022 च्या पहिल्या पाच सामन्यांनंतर आयसीसीने ही क्रमवारी जाहीर केली आहे. ताज्या क्रमवारीत, ऑस्ट्रेलियाची कर्णधार मेग लॅनिंग दोन स्थानांनी वर चढून दुसऱ्या स्थानावर आली आहे, तर तिची सहकारी अॅलिसा हिली अव्वल स्थानावर आहे. हरमनप्रीत कौरही दहाव्या क्रमांकावर कायम आहे.  

पूजाने 67 धावांची खेळी खेळली आणि प्रथमच सामनावीराचा पुरस्कार जिंकला. या कामगिरीच्या जोरावर पूजाने आता ताज्या एकदिवसीय क्रमवारीत फलंदाजांच्या यादीत कारकिर्दीतील सर्वोत्तम रँकिंग गाठली आहे. पूजा आता 64 व्या क्रमांकावर पोहोचली आहे. त्यांच्याशिवाय स्नेह राणालाही फायदा झाला