मधल्या फळीतल्या फलंदाजांनी केलेल्या हाराकिरीमुळे महिला विश्वचषकाच्या अंतिम सामन्यात इंग्लंडने भारतावर ९ धावांनी मात केली. हरमनप्रीत कौर आणि पुनम राऊत यांनी केलेल्या भागीदारीमुळे भारत विजयाच्या नजीक येऊन पोहचला होता. हरमनप्रीत कौर बाद झाल्यानंतर पुनमने वेदा कृष्णमुर्तीच्या सहाय्याने भारताचा डाव सावरला खरा , मात्र पुनम राऊत बाद झाल्यानंतर भारतीय डावाला जी घसरगुंडी लागली, ती थांबलीच नाही. एकामागोमाग एक फलंदाज बाद होत गेले. ज्याचा परिणाम म्हणून इंग्लंडने भारतावर अंतिम फेरीत ९ धावांनी मात केली.