भारताने न्यूझीलंडवर 8 विकेट्सने मात करत वनडे मालिका 2-0 ने जिंकली

मोहम्मद शमीच्या (18/3) नेतृत्वाखालील गोलंदाजांच्या दमदार कामगिरीनंतर कर्णधार रोहित शर्माच्या (51) शानदार अर्धशतकाच्या जोरावर भारताने शनिवारी दुसऱ्या एकदिवसीय सामन्यात न्यूझीलंडचा आठ गडी राखून पराभव केला.

न्यूझीलंडने भारतासमोर 109 धावांचे माफक लक्ष्य ठेवले, जे यजमानांनी 20.1 षटकांत पूर्ण करून तीन सामन्यांच्या मालिकेत 2-0 अशी अभेद्य आघाडी घेतली.

या अविस्मरणीय सामन्यात भारतीय गोलंदाजांनी न्यूझीलंडच्या आठ फलंदाजांना दुहेरी आकडाही गाठू दिला नाही. शमीने आपल्या धारदार स्विंग गोलंदाजीने किवी फलंदाजांना अडचणीत आणताना तीन बळी घेतले. हार्दिक पांड्या आणि वॉशिंग्टन सुंदर यांनी प्रत्येकी दोन तर मोहम्मद सिराज, शार्दुल ठाकूर आणि कुलदीप यादव यांनी प्रत्येकी एक विकेट घेतली.

लक्ष्याचा पाठलाग करताना रोहितने अर्धशतक ठोकत भारताचा विजय सोपा केला. रोहितने 50 चेंडूंत सात चौकार आणि दोन षटकारांसह 51 धावा केल्या. कर्णधाराची विकेट पडल्यानंतर भारताला लक्ष्यापर्यंत नेण्याचे काम शुभमन गिलने (नाबाद 40) केले.

तीन सामन्यांच्या मालिकेत भारताने 2-0 अशी अभेद्य आघाडी घेतली आहे. या मालिकेतील शेवटचा सामना इंदूरच्या होळकर स्टेडियमवर होणार आहे.