VIDEO ऋतुराजकडून ग्राऊंड्समनचा अपमान

दक्षिण आफ्रिकेविरुद्धच्या 5 सामन्यांच्या T20 मालिकेत (IND vs SA T20) भारतीय क्रिकेट संघाचा सलामीवीर ऋतुराज गायकवाडची बॅट शांत राहिली. त्यामुळे आगामी टी-20 विश्वचषकासाठी त्याची संघात निवड होणे कठीण दिसत आहे. ऋतुराजचा एक व्हिडिओ सोशल मीडियावर मोठ्या प्रमाणात व्हायरल होत आहे, ज्यामध्ये तो ग्राउंड्समनला 'धक्का' मारताना दिसत आहे. हा व्हिडिओ भारत आणि दक्षिण आफ्रिका यांच्यातील मालिकेतील 5व्या आणि शेवटच्या टी-20 सामन्यादरम्यानचा आहे.

ऋतुराजने पाच डावात 96 धावा केल्या

दक्षिण आफ्रिकेविरुद्धच्या मालिकेबद्दल बोलायचे झाले तर ऋतुराजने 5 सामन्यांच्या 5 डावात 96 धावा केल्या. यादरम्यान त्याची फलंदाजीची सरासरी 19.20 होती. गायवाकडची सर्वोत्कृष्ट धावसंख्या 57 धावा होती. संपूर्ण मालिकेत गायकवाडच्या बॅटने 9 चौकार आणि 5 षटकार मारले. पहिले दोन सामने गमावल्यानंतर टीम इंडियाने विशाखापट्टणम आणि राजकोट टी-20 जिंकून मालिकेत जबरदस्त पुनरागमन केले.

बेंगळुरू टी-20मध्ये गायकवाड 10 धावा काढून बाद झाला

दक्षिण आफ्रिकेविरुद्ध मायदेशात टी-20 मालिका जिंकण्याचे भारतीय संघाचे स्वप्न अधुरेच राहिले. टीम इंडियाने दक्षिण आफ्रिकेविरुद्ध घरच्या भूमीवर आतापर्यंत एकही टी-20 मालिका जिंकलेली नाही. ऋषभ पंतच्या नेतृत्वाखालील टीम इंडियाने ही संधी गमावली. बेंगळुरू टी-20 मध्ये अवघ्या 10 धावा करून गायकवाड पॅव्हेलियनमध्ये परतला.