मास्टर ब्लास्टर सचिन तेंडुलकरचा एक रेकॉर्ड उत्तर प्रदेशच्या बहिणींनी तोडला आहे. याबाबत सचिनने स्वतः ट्विट करुन सांगितले आहे. उत्तर प्रदेशमधील भंवरी टोला गावामध्ये दोन बहिणी केस कटिंगचे दुकान चालवतात. वडिलांच्या आजारपणानंतर त्यांनी हा व्यवसाय सुरू केला. नेहा आणि ज्योती अशी या दोघींची नावे आहेत. या उत्पादनाच्या जाहिरातीतून या दोघी क्रिकेट जगाततदेखील प्रसिद्ध झाल्या आहेत. त्यांची ही कामगिरी पाहता सचिनदेखील त्यांच्यापर्यंत पोहचला आणि त्यांच्याकडून शेविंग करून घेतले.
सचिनने शेविंग करत असलेला फोटो आपल्या अधिकृत ट्विटर अकांऊटवर शेअर केला आहे. फोटोसोबत सचिनने लिहले आहे की, बार्बर शॉपमध्ये मुली भेटणे ही एक अभिमानास्पद गोष्ट आहे. तुमचा विश्वास बसणार नाही पण हे खरे आहे की, मी कधी कोणाकडून शेविंग करून घेत नाही. पण या मुलींना हे रेकॉर्ड तोडले आहे.
फोटो : सोशल मीडिया