भारत आणि इंग्लंड यांच्यात सुरू असलेल्या पाच सामन्यांच्या कसोटी मालिकेतील दुसऱ्या सामन्यात शुभमन गिलने जबरदस्त पुनरागमन करत टीकाकारांच्या मुसक्या आवळल्या. त्याने भारताच्या दुसऱ्या डावात शानदार शतक झळकावले. 11 महिन्यांनंतर गिलने कसोटीत शतक झळकावले आहे. त्याचे कसोटी कारकिर्दीतील हे तिसरे शतक आहे. भारतीय क्रिकेटचा 'प्रिन्स' म्हणून ओळखल्या जाणाऱ्या शुभमनने इंग्लंडविरुद्धच्या विशाखापट्टणम कसोटीच्या दुसऱ्या डावात 104 धावा केल्या. त्याने 147 चेंडूंच्या खेळीत 11 चौकार आणि दोन षटकार मारले.
शुभमनने यापूर्वी मार्च 2023 मध्ये ऑस्ट्रेलियाविरुद्ध स्फोटक शतक झळकावले होते. यादरम्यान त्याने 235 चेंडूंचा सामना केला आणि 12 चौकार आणि 1 षटकाराच्या मदतीने 128 धावांची खेळी खेळली. यानंतर खेळलेल्या 12 डावांमध्ये त्याची बॅट शांत राहिली. त्याला एकही अर्धशतक झळकावता आले नाही. त्याने 12 डावात 13, 18, सहा, 10, 29*, दोन, 26, 36, 10, 23, शून्य, 34 धावा केल्या. हैदराबाद कसोटीत तो शून्यावर बाद झाला, त्यामुळे त्याला टीकेला सामोरे जावे लागले.
शुबमनचे हे आंतरराष्ट्रीय क्रिकेटमधील 10 वे शतक आहे.आज या सामन्यात गिलने इंग्लंडविरुद्ध शतक झळकावून चाहत्यांची मने जिंकली. त्याचे शतक 132 चेंडूत झाले.
