तुम्ही खुपच जिद्दी स्वभावाचे असून एखादी गोष्ट मिळवताना कितीही अपयश आले तरी ती गोष्ट अर्धवट सोडणार नाही, चिकाटी सोडणार नाही, यश मिळाल्याशिवाय शांत बसणार नाही. तुम्ही मनाने खूप चांगले आहात, पण समोरची व्यक्ती तुमच्याशी चांगली वागत असेल तर म्हणजे तुमचा चांगुलपणा ही समोरच्यातील चांगुलपणावर अवलंबुन असतो.
तुम्ही व्यवहाराचे खुप पक्के आहात, त्यामुळे द्या आणि घ्या या तत्वाने वागता कुणाला उधार देणार नाही आणि कुणाचे उधार घेणार नाही. तुम्ही धर्मिक प्रवृत्तीचे असूनही दान हा शब्द तुमच्या शब्दकोषात शक्यतो नसतो.
प्रत्यक्षात पाहीले तर तुम्ही न्यायप्रिय संयमी शांत स्वभावाचे असता. मेहनत आणि चिकाटी यांच्या जोरावरती प्रगती साधता. मान सांगावा जगाला आणि अपमान सांगावा मनाला, या म्हणी प्रमाणे तुम्ही मनातल कधीच कोणाला सांगत नाही.