Webdunia - Bharat's app for daily news and videos

Install App

Benefits Of Flax Seeds जवसाचे औषधी उपयोग

Webdunia
मंगळवार, 21 फेब्रुवारी 2023 (19:40 IST)
जवस ही तेल बी पण आहे. जवसाचे तेल स्वयंपाकघरात पदार्थ बनवताना आवश्‍य वापरावे. तसेच हाडाच्या विकारांवर उपयुक्‍त मानली आहे. जवसाची चटणी रोज आपल्या आहारात नियमित समाविष्ट करणे आवश्‍यक आहे. त्याचे औषधी उपयोग असे. 
 
लघवी साफ, दाह कमी होण्यासाठी – लघवी करतेवेळी दाह किंवा आग होत असेल तर जवसाचा काढा द्यावा. हा काढा करण्याची कृती अशी, 12 ग्रॅम जवस व 6 ग्रॅम ज्येष्ठमध घेऊन ते चांगले ठेचून त्याचा 1 लिटर पाण्यात अंदाजे एक अष्टमांश उरेल एवढा काढा करावा. मग त्यात 12 ग्रॅम खडीसाखर घालून दोन चमचे रोज सकाळ संध्याकाळ प्यावे; लघवीची जळजळ कमी होते तसेच लघवीस साफ होते.
दंतरोगावर – हिरड्या मजबूत रहाव्या व दंतदुखीवर उपचार म्हणून जवसाच्या तेलाने मसाज करावा.
कफ पातळ होण्यासाठी – कफयुक्‍त ज्वरात (तापावर) जवसाच्या पिठाचे पोटीस करून छाती शेकली असता कफ पातळ होतो व ताप लगेच उतरतो.
पाठदुखीवर – पोट, पाठ वगैरे ठिकाणी एकसारखे दुखत असेल तर दुखणाऱ्या जागी जवसाचे पोटीस बांधीत जावे.
गळूवर – अंतरविद्रधी म्हणजे आत तोंडाचे गळू झाले असले तरी एकसारखे पुष्कळ दिवस, पोटीस बांधीत गेल्याने ते बाहेर तोंड करून फुटते व आराम वाटतो.
सूजेवर व कोणत्याही जखमेवर – कोणत्याही ठिकाणी मग ती जखम असो, सूज असो, अगर व्रण असो, लाल होऊन ठणका लागला असेल, तर जवसाचे पोटीस बांधावे. पू होऊन जखम फुटून बरे वाटते.
भाजले असता – भाजलेल्या जागी जवसाचे तेल व चुन्याची निवळी एकत्र घोटून त्याची पट्टी दिल्याने भाजलेले लवकर बरे होते.
पचन क्रिया चांगली होण्यासाठी – आहारात जवसाचा वापर करावा ज्यामूळे भूक चांगली लागते व पचनक्रिया चांगली होते.
सुदृढ आरोग्यासाठी – रोज सकाळी अनशेपोटी एक चमचा जवसाचे तेल प्यावे त्यामुळे तुमचे आरोग्य उत्तम राहते. रक्‍तदाब, रक्‍तशर्करा, हृदयाचे ठोके सारेच योग्य आरोग्यपूर्ण होतात. आरोग्याच्या कोणत्याच तक्रारी राहात नाहीत. अशाप्रकारे जवस हे गुणकारी आहे. हिवाळ्यात आपल्या शरीरात उष्णता निर्माण करते.
जमालगोटा – जमालगोटा हा तीव्र रेचक आहे. जेपाळ जमालगोटा या नावाने तो ओळखला जातो. याचे बी व तेल गुणकारी असते. लहान प्रमाणात गुणकारी आहे. मोठ्या मात्रेत विषारी आहे. शरीरातील आप तत्त्व जुलाबावाटे आवाहन केल्यासारखे भरभर बाहेर पडते.
हृदयावरील जल दाब कमी करण्यासाठी – हृदयावरील पाण्याचा दाब कमी करण्यास याचा उपयोग होतो.
मलावरोधात उपयुक्‍त – मलावरोधात जमालगोटा महत्त्वाचे काम करतो. कावीळ झाली असता जमालगोटा काविळीतही देतात. 

संबंधित माहिती

सर्व पहा

नक्की वाचा

Makeup Tricks : हिवाळ्यात तुमची लिपस्टिक आणि आयलायनर कोरडे झाले आहेत का? या टिप्स वापरा

मुलांमध्ये खोकला कमी करण्यासाठी हे ५ घरगुती उपाय वापरून पहा

Valentine week days list जाणून घ्या व्हॅलेंटाईन वीक लिस्ट, असे व्यक्त करा तुमचे प्रेम

अकबर-बिरबलची कहाणी : चोराच्या दाढीतला एक ठिपका

Radha Krishna Photo घरामध्ये राधा-कृष्णाची मूर्ती ठेवत असाल तर हे वास्तू नियम पाळावे

सर्व पहा

नवीन

Valentine's Day Special चॉकलेट मिल्कशेक रेसिपी

Valentine Day 2025 Wishes in Marathi व्हॅलेंटाइन डे शुभेच्छा मराठी

छत्रपती शिवाजी महाराजांनी ८ वेळा लग्न का केले? त्यांच्या पत्नींशी संबंधित या गोष्टी तुम्हाला माहिती आहेत का?

World Radio Day 2025: जागतिक रेडिओ दिवस केवळ 13 फेब्रुवारीलाच का साजरा केला जातो ? माहिती जाणून घ्या

Sarojini Naidu Birth Anniversary भारत कोकिला सरोजिनी नायडू

पुढील लेख
Show comments