तोंड, ओठ आणि दातांच्या रोगावर घरगुती उपाय

तोंडातील फोड/तोंड येणे/तोंडातले छाले  

* तोंडात छाले झाल्यास ज्येष्ठमधाची काडी चघळावी. 

* कथ्याबरोबर पेरुची पाने चावल्याने छाले बरे होतात. 

* जिभेवर छाले झाल्यास एक केळ गाईच्या दुधाबरोबर खावे. काही दिवस घेतल्यास छाले बरे होतात.

हिरड्यांतून रक्त येणे : 

* मीठ, हळद आणि तुरटी समप्रमाणात घेऊन त्यांचे चूर्ण करून घ्यावे. या चूर्णाने मंजन करावे. फार गार किंवा फार थंड पेय घेऊ नये.गाजर, सफरचंद, आवळा यासारखी फळे खावीत.

दात हलणे : 

* तिळाच्या तेलात काळे मीठ वाटून हिरड्यांवर चोळल्याने दात हलायचे बंद होतात.

दात दुखणे : 

* दात दुखल्यास थोडासा कापूर दुखणाऱ्या दाताखाली ठेवून दाबावे. दाढेत खड्डा असेल तर त्यात भरून घ्यावे. वेदना बंद होतील. 

* दातदुखी असल्यास कच्च्या पपईचे दूध, थोडेस हिंग आणि कापूर मिसळून कापसाच्या बोळ्याला दुखणाऱ्या दाताखाली ठेवून दाबावे. 

* लिंबाचा पाला घेऊन त्याचा रस ज्या बाजूची दाढ दुखत असेल त्या बाजूच्या कानात दोन थेंब टाकावे. लगेच आराम येतो.

पायरिया : 

* आंब्याच्या कोयीच्या गराचे बारीक चूर्ण करून त्याने मंजन केल्याने पायरिया बरा होतो. 

* लिंबाची फांदी पानांसकट सावलीत वाळवायवी आणि जाळून बारीक वाटून घ्यावी.त्यात काही लवंग, पिपरेंट आणि मीठ मिसळावे. सकाळ-सायंकाळ या चूर्णाने मंजन केल्याने पायरिया बरा होतो. 

तोंडात किंवा श्वासात दुर्गंधी.

* जेवण झाल्यानंतर दोन्हीवेळा चमचाभर बडीशेप चघळल्याने तोंडाचा वास काही दिवसात जातो आणि पाचनक्रिया पण सुधारते.

* तुळशीची चार पाने रोज खाऊन वरून पाणी प्यायलाने तोंडाचा वास जातो. 

* एक ग्लास पाण्यात एक लिंबू पिळून त्या पाण्याने रोज सकाळी चुळ भरल्यास, तोंडाची दुर्गंधी नाहीशी होते. 

जेवणानंतर एक लवंग चघळल्याने तोंडाचा वास जातो. 

तोंडातली चव जाणे :
* एक लिंबू कापून त्याच्या अर्ध्या फोडीत दोन चिमूट काळे मीठ व मिरिपूड शिंपडून लिंबाला आगीत थोडे गरम करावे.नंतर तो लिंबू चोखल्याने जिभेचा कडवटपणा जाऊन जिभेला चव येते व अपचन आणि गॅसेस पण बरे होतात. 

* तोंडात कडवटपणा असेल तर डाळिंबाची साल पाण्यात उकळवून त्यात थोडी बडीशेप टाकून चुळ भरावी .