जगणेच विसरलो-

डॉ. गुणवंत चिखलीकर

ND

टी.व्ही. आला घरात नि बोलणेच विसरलो
गाडी येता दारी, चालणेच विसरलो।।1।।
ए.सी.च्या संगतीत, झाडाचा गारवा विसरलो
सेंट-स्प्रे आला नि ‍फुलाचा सुगंध विसरलो।।2।।
कॅलक्युलेटर आला हाती नि पाढेच विसरलो
फास्ट फूड आले नि तृप्तीचा ढेकर विसरलो ।।3। ।
रस्ते झाले डांबरी नि मृदगंध विसरलो
फ्लॅटमध्ये राहून शेजारधर्म विसरलो।।4।।
सिनेमांची पोस्टर बघून निरागस सौंदर्य विसरलो
पॉप संगीत ऐकून भावगीते विसरलो।।5।।
हसणे झाले दुर्मिळ नि जगणेच विसरलो।।6।।