नैतिक कथा : मुंगी आणि टोळाची गोष्ट

Kids story :अनेक वर्षांपूर्वीची गोष्ट आहे. उन्हाळ्याचा हंगाम होता आणि एक मुंगी स्वतःसाठी धान्य गोळा करण्यासाठी खूप मेहनत करत होती. मुंगी बरेच दिवस या कामात व्यस्त होती. ती दररोज शेतातून धान्य गोळा करायची आणि ती तिच्या बिळात जमा करायची. तसेच जवळच एक टोळ उडी मारत होता. तो आनंदाने नाचत होता. घामाने भिजलेली मुंगी धान्य वाहून नेऊन थकली होती. ती पाठीवर धान्य घेऊन तिच्या बिळाकडे जात होती, तेव्हा अचानक टोळ तिच्या समोर आला. तो म्हणाला मुंगी तू इतकी मेहनत का करत आहे? चल मजा करूया. मुंगीने टोळाकडे दुर्लक्ष केले आणि शेतातून एक एक करून धान्य उचलत राहिली आणि ती तिच्या बिळात जमा करत राहिली.

आता टोळ मुंगीला पाहून हसायला लागला आणि त्याची चेष्टा करायला लागला. तो तिच्या वाटेत उडी मारून म्हणायचा मुंगी माझे गाणे ऐक. किती छान हवामान आहे. थंड वारा वाहत आहे. सोनेरी सूर्यप्रकाश आहे. कठोर परिश्रम करून तुम्ही हा सुंदर दिवस का खराब करत आहात? टोळाच्या कृत्यांमुळे मुंगी अस्वस्थ झाली. तिने त्याला समजावून सांगितले. मुंगी म्हणाली ऐक टोळ, काही दिवसांतच हिवाळा येणार आहे. मग खूप बर्फ पडेल. धान्य कुठेही मिळणार नाही. माझा सल्ला असा आहे की, तुमच्या जेवणाची व्यवस्था करा. पण टोळ ने तिच्याकडे दुर्लक्ष केले.

हळूहळू उन्हाळा संपत आला. मौजमजेत बुडालेल्या त्या टोळाला उन्हाळा कधी संपला हे कळलेच नाही. पाऊस पडल्यानंतर थंडी पडली. धुके आणि बर्फवृष्टीमुळे सूर्य क्वचितच दिसत होता. टोळांनी त्यांच्या खाण्यासाठी धान्य गोळा केले नाही. सर्वत्र बर्फाची जाड चादर पसरलेली होती. टोळ भुकेने त्रस्त होऊ लागला. टोळांकडे बर्फवृष्टी आणि थंडीपासून स्वतःचे संरक्षण करण्यासाठी कोणतेही साधनही नव्हते. मग त्याची नजर मुंगीवर पडली. मुंगी तिच्या बिळात साठवलेले धान्य आनंदाने खात होती. मग त्या टोळाच्या लक्षात आले की त्याला त्याचा वेळ वाया घालवल्याबद्दल शिक्षा मिळाली होती. मुंगी दयाळू होती. भूक आणि थंडीने त्रस्त असलेल्या टोळाला मुंगीने पुन्हा मदत केली. त्याला खायला काही धान्य दिले. थंडीपासून स्वतःला वाचवण्यासाठी मुंगीने भरपूर गवत आणि पेंढा गोळा केला होता. तिने टोळला त्याचे घर बांधण्यास सांगितले. अश्या प्रकारे थंडीपासून टोळ चे रक्षण झाले.
तात्पर्य: आपण आपले काम मेहतीने पूर्ण करावे, अनेक लोक थट्टा करतात, पण नंतर तेच तुमची प्रशंसा करतात.

Edited By- Dhanashri Naik