ईद हा असा प्रसंग आहे जेव्हा संपूर्ण कुटुंब, नातेवाईक किंवा मित्र एकत्र बसून जेवण करतात, एकमेकांचे प्रेम वाटून घेतात. मेजवानीत नेहमीच एकापेक्षा पदार्थांची चव घ्यायला मिळते. अशात त्यात तुमचा हातभार लागला तर तुम्ही तुमच्याकडून काही स्पेशल सर्व्ह करु शकता-
मटण कोरमा
साहित्य-
मटण- अर्धा किलो
कांदे- ५
दही- ३०० ग्रॅम
आले-लसूण पेस्ट- २ चमचे
हिरव्या मिरच्या- ३
लाल मिरची पावडर- १ चमचा
धणे पूड- अर्धा चमचा
हळद- अर्धा चमचा
गरम मसाला- अर्धा चमचा
दालचिनी- १ तुकडा
लवंग- ४
हिरवी वेलची- ३
तमालपत्र- २
मीठ- चवीनुसार
तेल- १५० ग्रॅम
पाणी- आवश्यकतेनुसार
हिरवी कोथिंबीर- सजवण्यासाठी
मटण कोरमाची पद्धत
सर्वप्रथम वर नमूद केलेले साहित्य तयार ठेवा. नंतर मटण धुवा आणि कांदा सोलून त्याचे लहान तुकडे करा.
तुम्हाला कांदा समान प्रमाणात कापून घ्यावा लागेल, दरम्यान गॅसवर पॅनमध्ये तेल टाकून गरम करण्यासाठी ठेवावे. तेल गरम झाल्यावर त्यात तमालपत्र, दालचिनी, वेलची आणि लवंगा घालून तडका लावा.
नंतर आले-लसूण पेस्ट घालून परतून घ्या. आता त्यात चिरलेले कांदे घाला. आता मटण घाला आणि हलके तपकिरी होईपर्यंत ५-७ मिनिटे मोठ्या आचेवर परतून घ्या.
आता हळद, धणे पावडर, लाल तिखट आणि मीठ घाला आणि मिक्स करा. नंतर फेटलेले दही घाला आणि चांगले मिक्स करा.
दरम्यान, आच कमी करा आणि तेल वेगळे होईपर्यंत शिजवा. आता आवश्यकतेनुसार पाणी घाला आणि झाकण ठेवून ४० मिनिटे मटण शिजवा.
जर तुम्हाला घाई असेल तर तुम्ही कुकर देखील वापरू शकता. आता वर गरम मसाला आणि हिरवे कोथिंबीर घाला आणि गरम सर्व्ह करा.
