पंजाबमधील घुमान येथे होणार्‍या 88 व्या अखिल भारतीय मराठी साहित्य संमेलनाच्या अध्यक्षपदासाठी चार जण उत्सुक असल्याचे सूत्रांनी सांगितले. यात संतसाहित्याचे अभ्यासक डॉ. अशोक कामत, डॉ. श्रीपाल सबनीस तसेच भारत सासणे व मधुसूदन घाणेकर यांचा समावेश आहे.
अध्यक्षपदासाठी अर्ज करण्याची मुदत 13 ते 23 सप्टेंबर असणार आहे. ३० सप्टेंबरपर्यंत अर्ज मागे घेण्याची तारीख असेल. 9 ऑक्टोबरपासून मतदारांना मतपत्रिका पाठवल्या जातील. अध्यक्षपदासाठीची मतमोजणी व निकाल 10 डिसेंबरला जाहीर केला जाणार असल्याची माहिती साहित्य महामंडळाच्या अध्यक्षा डॉ. माधवी वैद्य यांनी दिली.