घर सजावटीच्या काही टिप्स

घराची जागा खूप मोकळी वाटत असेल तर ती भरलेली वाटण्यासाठी घरात लाल, पिवळ्या नारंगी रंगाचा वापर करा. हे रंग उबदार आणि आल्हाददायक वातावरण निर्माण करतात.

* जर घरात वस्तुंची गर्दी असेल आणि मोकळेपणा हवा असेल तर निळ्या, हिरव्या अश्या गर्द रंगाचा वापर करा.

* घराची सजावट एका कोणत्याही थीमला डोक्यात घेऊन करा. त्यामुळे घराला एक चांगला लूक येऊ शकतो. ही थीम फर्निचर, भिंत या सारख्या गोष्टींवर आधारित असू शकते.

* भिंतीसाठी सौम्य गुलाबी रंग वापरल्याने घरात प्रसन्न वाटते. 

* सिलिंग आणि भिंतीसाठी गर्द रंगाऐवजी फिक्कट रंगाचा वापर करा. त्यामुळे घराची जागा असल्यापेक्षा मोठी वाटते. 

* कार्पेट निवडताना ते सोफा, खुर्च्यांचे कुशन कव्हर्सच्या रंगाला अनुरूप असे निवडा. पर दोघांचे रंग अगदीच सारखे असू नयेत. त्यामुळे सर्वत्र एकसारखेपणा जाणवेल. 

* फलूदाणीचे तोंड जर रुंद असेल तर त्यामध्ये फुले ठेवण्याआधी फुलदाणीच्या तोंडापाशी बारीक जाळी लावा आणि नंतर त्यात फुले ठेवा त्यामुळे सर्व फुले एकसारखी राहतील आणि फुलदाणी आकर्षक वाटेल. 

* भिंतीवर उभ्या पट्ट्यांचा वापर करा. त्यामुळे घराची उंची अधिक वाटते. 

* बाजारातून काचेचे मोठे जार घेऊन त्यामध्ये काचेच्या गोट्या, रंगीबेरंगी धागे, रिबिन अशा वस्तु टाका आणि जार दिवाणखाना, बेडरुममध्ये ठेवा ही वेगळी वस्तु नक्कीच आकर्षक वाटेल.

* वॉल पेपर काढतेवेळी ते व्यवस्थित निघावे म्हणून व्हिनेगर आणि गरम पाणी एकत्र प्रमाणात घ्या आणि त्या मिश्रणातून स्पंज बुडवून तो वॉल पेपरवर फिरवा. वॉलपेपर सहजरित्या निघेल. 

* सजावटीचे काम करताना घरातील प्रत्येक रुमची सजावट स्वतंत्ररित्या करा. ऐक रुमचे फर्निचर बाहेर काढून दुसर्यात रुममध्ये ठेवा ते शक्य नसल्यास सर्व फर्निचरच्या मध्यभागी घेऊन ते कपड्याने झाका.