Malai Paratha Recipe : मुलांसाठी घरीच बनवा मलाई पराठा,रेसिपी जाणून घ्या

Malai Paratha Recipe :प्रत्येकाला सकाळच्या नाश्त्यात पराठा खायला आवडतो. बटाट्याचे पराठे, कांद्याचे पराठे, पनीर पराठे आणि इतर सारण घालूनही पराठे बनवले जातात. आज आम्ही तुम्हाला एक वेगळा पराठा कसा बनवायचा ते शिकवणार आहोत, जो तुमची मुलं सुद्धा आवडीने खातील.

दुधापासून बनवलेल्या रेसिपी सगळ्यांनाच आवडतात. हे खाण्यास स्वादिष्ट तसेच पौष्टिक आहेत. यामुळे आज आम्ही तुम्हाला मलाई पराठा कसा बनवायचा ते सांगणार आहोत. हे कमी वेळात तयार होते आणि चवीलाही स्वादिष्ट लागते. 

मलाई पराठा बनवण्यासाठी लागणारे साहित्य 

1 कप दूध 

1 वाटी मैदा 

1/4 टीस्पून वेलची पावडर 

पिठी साखर चवीनुसार 

गरजेप्रमाणे

आवश्यकतेनुसार देशी तूप 

1 चिमूटभर मीठ 

मलाई पराठा बनवण्याची पद्धत

मलाई पराठा बनवण्यासाठी प्रथम पीठ मळून घ्या. त्यात चिमूटभर मीठ टाका. आता एका भांड्यात मलाई  घ्या आणि त्यात पिठीसाखर मिसळा. 

आता मलाईमध्ये साखर मिसळा आणि बाजूला ठेवा. यानंतर पिठाचे छोटे गोळे करून घ्या. आता चमच्याच्या साहाय्याने पीठात मलईचे मिश्रण टाकून पराठ्यात लाटून घ्या. पराठा बनवताना लक्षात ठेवा की त्यावर जास्त वेगाने हात चालवू नका. 

आता ते तव्यावर सोनेरी होईपर्यंत भाजून घ्या. यानंतर तुमचा मलाई पराठा तयार आहे. आता हा चविष्ट मलाई पराठा तुमच्या मुलांना नाश्त्यात खायला द्या. 

Edited By - Priya Dixit