Matka Roti विदर्भातील फेमस मटका रोटी अशा प्रकारे तयार होते, पाहा व्हिडिओ

Matka Roti भारतात पोळीचे विविध प्रकारा पाहायला मिळतात. चपाती, फुलका, नान, तंदुरी ते लच्छा... यासोबत भाजीची मजाच वेगळे असते. परंतु या सर्वांपैकी एका पातळ पोळी प्रसिद्ध आहे जी बहुतेक तरी सर्वात पातळ असावी. विर्दभातील मटका रोटी अशी याची ओळख आहे.

या आगळ्यावेगळ्या पोळीला विदर्भात मटका रोटी, लंबी रोटी किंवा मांडे देखील म्हणतात. रुमाली रोटी सारखी दिसणारी ही रोटी पूर्णंत: गव्हाच्या पिठापासून तयार केली जाते. ही पोळी बनविण्यासाठी वेगळा स्पेशल माठ तयार करण्यात येतो.

माठावरच्या लांब रोटी नागपूरची फेमस असून लोक नॉनव्हेज, पनीर, पाटवडी रस्सा किंवा आंबरस आणि इतर चमचमीत पदार्थांसोबत यावर ताव मारतात. ही रोटी तयार करणे म्हणजे कौशल्याचा काम आहे. यासाठी गहू बारीक दळून 15- 20 मिनिटे भिजून घ्यावं लागतं. मोठ्या परातीत पिठात पाणी टाकत पीठ भिजवलं जात आणि वारंवार पटकलं जातं. त्यात चिक्की येईपर्यंत पटकलं जातं. नंतर पिठाचा गोळा हातावर लांब करुन अलगद माठावर टाकला जातो.

View this post on Instagram

A post shared by Rekib Alam (@food.india93)

येथे शेअर केलेल्या व्हिडिओत या रोट्या तयार करण्याच्या कलेमध्ये अनेक महिलांचा सक्रिय सहभाग दिसतो. भरपूर पाणी वापरून पातळ पीठ तयार केलं जातं. नंतर मातीच्या चुलीवर एक मोठं उलटं माठ ठेवलेलं असतं. महिलांचे कुशल हात कणकेला अत्यंत पातळ रोटी तयार करुन माठाच्या गोलाकार पृष्ठभागावर नाजूकपणे चिकटवल्या जातात. पूर्णपणे शिजल्यानंतर, रोटी काळजीपूर्वक पृष्ठभागावरून काढून टाकल्या जातात.

यावर अनेक यूजर्स आपल्या प्रतिक्रिया देत आहेत.