मुंबईत IAS दाम्पत्याच्या 27 वर्षीय मुलीची इमारतीवरून उडी मारून आत्महत्या, सुसाइड नोट जप्त

मुंबई शहरात एका IAS दाम्पत्याच्या 27 वर्षीय मुलीने इमारतीवरून उडी मारून आत्महत्या केली. मुंबई पोलिसांनी सांगितले की, सोमवारी पहाटे नरिमन पॉइंट येथे एका आयएएस दाम्पत्याच्या 27 वर्षीय मुलीने आपले जीवन संपवले.

महाराष्ट्र केडरचे आयएएस अधिकारी विकास रस्तोगी आणि राधिका रस्तोगी यांची मुलगी लिपीला घटनेनंतर रुग्णालयात नेण्यात आले, मात्र त्यांना वाचवता आले नाही.

पोलिसांना लिपीच्या खोलीतून एक सुसाईड नोट सापडली आहे ज्यामध्ये तिच्या मृत्यूसाठी कोणालाही जबाबदार धरू नये. कफ परेड पोलिसांनी अपघाती मृत्यूची नोंद केली आहे.

IAS अधिकारी विकास रस्तोगी हे महाराष्ट्राच्या शिक्षण विभागात प्रधान सचिव आहेत, तर IAS राधिका रस्तोगी राज्याच्या गृह विभागाच्या प्रधान सचिव आहेत. त्यांची मुलगी लिपीने आज पहाटे 4 वाजता राज्य सचिवालयाजवळील इमारतीच्या 10व्या मजल्यावरून उडी मारून आत्महत्या केल्याची माहिती आहे.

मंत्रालयाजवळील आयएएस अधिकाऱ्यांच्या अधिकृत निवासस्थानी इतर सर्वजण झोपले असताना ही घटना घडल्याचे एका पोलिस अधिकाऱ्याने सांगितले. या घटनेची माहिती स्थानिक लोकांनी कुटुंबीयांना दिली. त्यानंतर पीडितेला जीटी रुग्णालयात नेण्यात आले, तेथे तिला मृत घोषित करण्यात आले.

पोलिसांनी सांगितले की, लिपी हरियाणातील सोनीपत येथे एलएलबीचे शिक्षण घेत होती आणि तिला तिच्या अभ्यासातील कामगिरीबद्दल काळजी वाटत होती. अधिकाऱ्याने सांगितले की, पोलिसांनी सुसाईड नोट जप्त केली आहे. शवविच्छेदनानंतर मृतदेह कुटुंबीयांच्या ताब्यात दिला जाईल. या प्रकरणाची पाहणी सुरू आहे.