माजी मुख्यमंत्री देवेंद्र फडणवीस यांच्यानंतर आता भाजप आमदार आशिष शेलार यांनीही राज ठाकरे यांची भेट घेतली. महत्त्वाचं म्हणजे आशिष शेलार यांनी कृष्णकुंजवर जाऊन भेट घेतली. बुधवारी संध्याकाळी 7 वाजता ही भेट झाल्याचं सांगण्यात येत आहे. यावेळी राज ठाकरे आणि आशिष शेलार यांच्यात तासभर खलबते झाली.
मनसे 9 फेब्रुवारीला पाकिस्तान आणि बांगलादेशी घुसखोरांविरोधात मोर्चा काढत आहे. त्या अनुषंगाने या दोघांमध्ये चर्चा झाल्याची चिन्हं आहेत. मनसेनं हिंदुत्वाच्या मुद्यावरुन वाटचाल सुरु केल्याने, भाजपशी जवळीक वाढली आहे. काही दिवसांपूर्वी राज ठाकरे-देवेंद्र फडणवीस यांची गुप्त बैठक झाली होती.