गिरगाव येथील इमारतीला भीषण आग, दोघांचा मृत्यू; अग्निशमन दलाच्या 10 गाड्या घटनास्थळी हजर

मुंबईतील गिरगाव परिसरात शनिवारी रात्री एका इमारतीला भीषण आग लागली. इमारतीला लागलेल्या आगीत दोघांचा मृत्यू झाला. गिरगाव चौपाटी परिसरात शनिवारी रात्री 9.55 च्या सुमारास एका निवासी इमारतीला आग लागल्याची माहिती अधिकाऱ्यांना मिळाली.

ग्राउंड प्लस तीन मजली इमारतीच्या दुसऱ्या आणि तिसऱ्या मजल्यावर आग लागल्याचे अधिकाऱ्यांनी सांगितले. अग्निशमन दलाच्या 10 गाड्या घटनास्थळी दाखल झाल्या आहेत.

माहिती मिळताच मुंबई अग्निशमन दल आणि मुंबई पोलिसांचे अधिकारी तातडीने घटनास्थळी पोहोचले. आगीवर नियंत्रण मिळवण्यासाठी मुंबई अग्निशमन दलाच्या अधिकाऱ्यांनी आग विझवण्याचे काम सुरू केले आहे.