३४ वाहनांमध्ये ४०० किलो आरडीएक्स, शहर बॉम्बने उडवून देऊ; मुंबई वाहतूक पोलिसांना मिळाली धमकी

मुंबईत गणेश विसर्जनाची तयारी जोरात सुरू आहे. दरम्यान, मुंबई पोलिसांना एक धमकीचा संदेश मिळाला आहे, ज्यामुळे शहरात घबराट निर्माण झाली आहे. शहर बॉम्बने उडवून देण्याची धमकी देण्यात आली आहे.

बॉम्बस्फोटाची धमकी मिळाल्यानंतर मुंबई पोलिसांमध्ये खळबळ उडाली आहे. अनंत चतुर्दशीनिमित्त ३४ वाहनांमध्ये बॉम्ब ठेवण्याची धमकी मुंबई पोलिसांना मिळाली आहे. ही धमकी व्हॉट्सअॅप मेसेजद्वारे मिळाली आहे, त्यानंतर पोलिस सतर्क झाले आहे. हा धमकीचा संदेश मुंबई वाहतूक पोलिसांच्या व्हॉट्सअॅप हेल्पलाइन नंबरवर पाठवण्यात आल्याचे सांगण्यात येत आहे. असा दावा करण्यात आला होता की ३४ वाहनांमध्ये बॉम्ब ठेवण्यात आले आहेत आणि ४०० किलो आरडीएक्सच्या स्फोटाने संपूर्ण मुंबई शहर हादरेल. या धमकीला गांभीर्याने घेत मुंबई पोलिसांनी तात्काळ तपास सुरू केला आहे. नंबर ट्रेस करण्याचे काम सुरू झाले आहे.

एका वरिष्ठ पोलिस अधिकाऱ्याने सांगितले की, ज्या व्हॉट्सअॅप नंबरवरून हा मेसेज पाठवण्यात आला होता तो ट्रेस करण्याचे काम सुरू करण्यात आले आहे. मुंबई पोलिसांच्या एका वरिष्ठ अधिकाऱ्याने सांगितले की, "मुंबई पोलिस नेहमीच सतर्क आहे आणि आमचे सर्व गोष्टींवर लक्ष आहे. जनतेने घाबरू नये, परिस्थिती पूर्णपणे नियंत्रणात आहे आणि सर्व काही शांत आहे."

Edited By- Dhanashri Naik