आज दिवसभरात केवळ मुंबईतूनच थरकाप उडवणार्‍या घटना समोर येत आहेत. जयपूर एक्स्प्रेस दुर्घटनेने अवघा महाराष्ट्र हादरला असतानाच आता आत्महत्येची एक घटना समोर आली आहे. मुंबईतील वांद्रे-वरळी सी लिंकवरून एका ५५ वर्षीय व्यक्तीने उडी मारून आत्महत्येचा प्रयत्न केल्याची धक्कादायक माहिती समोर आली आहे.
मुंबईतील वांद्रे-वरळी सी लिंकवरून एका व्यक्तीने उडी मारून आत्महत्येचा प्रयत्न केल्याची धक्कादायक माहिती समोर आली आहे. सकाळी एका कारचालकानो मध्यभागी कार थांबवली आणि पाण्यात उडी घेतली. तटरक्षक दलाच्या मदतीने मुंबई पोलिसांनी शोधमोहिम हाती घेतली आहे. हेलिकॉप्टरच्या मदतीने ही शोधमोहीम सुरू आहे. या घटनेमुळे संपूर्ण परिसरात खळबळ उडाली आहे.
याबाबत मिळालेल्या माहितीनुसार, पुलावरून उडी मारलेल्या व्यक्तीच्या शोधात तटरक्षक दलासह इतर पथकंही गुंतली आहेत. पोलिसांनी दिलेल्या माहितीनुसार, एक व्यक्ती कारमधून वांद्रे-वरळी सी लिंक वर जात होती. यानंतर गाडी पुलाच्या मध्यभागी आल्यावर त्याने गाडी थांबवली आणि थेट समुद्रात उडी घेतली.
तटरक्षक दल आणि इतर अधिकाऱ्यांना आत्महत्येच्या प्रयत्नाची माहिती मिळताच त्याचा शोध घेण्याची मोहीम सुरू करण्यात आली. या कामात हेलिकॉप्टरचाही वापर करण्यात येत आहे.
मुंबईतल्या वांद्रे-वरळी सी-लिंकला सुसाईड पॉइंट मानलं जातं. इथून अनेकदा लोकांनी आत्महत्या केल्याच्या घटना समोर आल्या आहेत. या संदर्भात मुंबई उच्च न्यायालयात जनहित याचिकाही दाखल करण्यात आली होती. यानंतर न्यायालयाने सरकारकडे उत्तर मागितल्यानंतर या ठिकाणी सीसीटीव्ही कॅमेरे बसवून सुरक्षा वाढवण्यात आली. आज पुन्हा एक घटना समोर आल्याने इथल्या हा मुद्दा वर आला आहे.
