मुंबई : मुंबईतील गोरेगाव येथे भीषण अपघात झाला असून त्यात दुचाकीवर असलेल्या तिघांचा मृत्यू झाला आहे. मिळालेल्या माहितीनुसार, आरे कॉलनी परिसरातील मुंडा चौकाजवळून जात असताना तेथे असलेल्या एका खांबाला दुचाकी आदळली. दुचाकीवर तीन जण होते, त्यापैकी दोघांचा जागीच मृत्यू झाला तर अन्य एका व्यक्तीचा रुग्णालयात मृत्यू झाला. आरे कॉलनी परिसरातील मुंडा चौकाजवळ हा भीषण अपघात झाला आहे.
मिळालेल्या माहितीनुसार, अपघातात तीन दुचाकीस्वारांपैकी दोघांचा जागीच मृत्यू झाला. तर तिसऱ्या व्यक्तीला जखमी अवस्थेत रुग्णालयात दाखल केल्यानंतर उपचारादरम्यान त्याचा मृत्यू झाला आहे. मुंबई पोलिसांनी दिलेल्या माहितीनुसार आरे पोलिसांनी एडीआर अंतर्गत गुन्हा दाखल करण्यात आला आहे आणि तपास सुरू आहे.
Edited By- Dhanashri Naik
