नेताजी सुभाषचंद्र बोस यांच्या संदर्भातील अनेक रहस्य उघड होण्याची शक्यता आहे. नेताजींच्या संबंधित असलेल्या दोन फाईल्स सार्वजनिक करण्याचा निर्णय जपान सरकारने घेतला आहे.
केंद्रीय गृह राज्यमंत्री किरेन रिजिजू म्हणाले, आपल्या ताब्यातील पाचपैकी दोन फाईल्स या वर्षाच्या अखेरपर्यंत सार्वजनिक करणार असल्याचे जपानने आम्हाला कळविले आहे. अन्य तीन फाईल्सबाबत मात्र कोणतेही आश्वासन जपानतर्फे देण्यात आलेले नाही. परंतु या उर्वरित फाईल्सदेखील सार्वजनिक करण्यात येतील, अशी आम्हाला आशा आहे.