कॉंग्रेसचे महासचिव दिग्विजयसिंह यांनी ब्लॉगवर म्हटले आहे की, हिंदू असून, माझ्या घरामध्ये नऊ मंदिरे आहे. दररोज मी अर्धा तास देवांची पूजा करतो.
सोशल नेटवर्किंगचा नेहमी; वापर करणारे दिग्विजयसिंह म्हणाले, "मला डॉग्विजयसिंह व कधी-कधी पिग्विजयसिंह म्हटले जाते. मला या नावाने संबोधणारे अनेकजण माझ्या नातवाच्या वयापेक्षाही कमी आहेत. माझ्या विषयी कोणी काहीही वक्तव्ये करत असले तरी मी सर्वच धर्मांचा आदर करतो.'
" मी हिंदू असून, द्वारका येथे 1983 मध्ये जगद्‌गुरू शंकराचार्य व जोशी मठामध्ये दीक्षा घेतली आहे. दररोज न चुकता मी अर्धा तास पूजा करतो. एकादशीला उपवास करत असून, अन्य धर्मांचेही पालन करतो. एवढे असतानाही भारतीय जनता पक्ष व राष्ट्रीय स्वयंसेवक संघ मला हिंदू विरोधी म्हणत आहेत. मात्र, सर्वच धर्मांचे पालन करणारा नेहमीच चांगला हिंदू असतो,' असेही दिग्विजयसिंह यांनी म्हटले आहे.