अमेरिकेच्या दौर्‍यावर असलेले मुख्यमंत्री देवेंद्र फडणवीस यांना तब्बल ५० हजार तरुणांसाठी नोकर्‍या खेचण्यास यश आले आहे. त्यांनी ब्लॅकस्टोन आणि कोकाकोला या कंपन्यांबरोबर करार केले आहेत.
‘ब्लॅकस्टोन’बरोबर केलेल्या करारानुसार डिजिटल इंडिया वीक अभियानास प्रारंभ होत आहे. ब्लॅकस्टोन उद्योग समूह पुण्यातील हिंजेवाडी येथे १,२०० कोटी, मध्य मुंबईतील आयटी पार्कमध्ये १,५०० कोटी, मुंबईतील इतर आयटी पार्कमध्ये १,०५० कोटी आणि ईआॅन फ्री झोन सेझमध्ये ७५० कोटी रुपये याप्रमाणे ४,५०० कोटी रुपयांची गुंतवणूक करणार आहे. तर कोकाकोला कंपनी चिपळूण नजीकच्या लोटे परशुराम येथे ५०० कोटी रुपयांची गुंतवणूक करणार आहे.