जम्मू-काश्मीरच्या उरीमध्ये दहशतवादविरोधी कारवाई जोरात सुरू आहे. या मोहिमे नंतर काही दिवसांनी अनेक माहिती समोर आली आहे. सूत्रांनी दिलेल्या माहितीनुसार, एका दहशतवाद्याने आत्मसमर्पण केले आहे तर दुसऱ्या दहशतवाद्याला भारतीय सशस्त्र दलांनी ठार केले आहे. त्याचवेळी, उरी ऑपरेशन दरम्यान लष्कराचे चार जवान जखमी झाल्याची माहिती सूत्रांकडून मिळाली आहे. सशस्त्र दहशतवाद्यांनी घुसखोरीचा प्रयत्न केल्यानंतर 18 सप्टेंबर रोजी कारवाईला सुरुवात झाली.
लष्करातील सूत्रांनी दिलेल्या माहितीनुसार,सशस्त्र दलांना हिवाळा सुरू होण्यापूर्वी घुसखोरीच्या धोक्याची माहिती मिळाली आहे. या काळात हा परिसर पूर्णपणे बर्फाने झाकलेला असतो.याशिवाय लष्कर मंगळवारी दुपारी 1 वाजता सुरू असलेल्या उरी मोहिमेवर पत्रकार परिषद घेणार आहे. लष्कर शरण आलेल्या दहशतवाद्याला दाखवेल,असे सूत्रांनी सांगितले आहे.
यापूर्वी 23 सप्टेंबर रोजी भारतीय लष्कराने जम्मू -काश्मीरमधील नियंत्रण रेषेवर उरीजवळील रामपूर सेक्टरमध्ये तीन दहशतवाद्यांचा खात्मा केला होता. भारतीय लष्कराने सांगितले की, जवानांनी त्यांना पाहिले तेव्हा दहशतवादी नियंत्रण रेषा ओलांडण्याचा प्रयत्न करत होते. या दरम्यान गोळीबार सुरूझाला. या चकमकीत तीन दहशतवादी ठार झाले असून दहशतवाद्यांकडून मोठ्या प्रमाणात शस्त्रे आणि दारुगोळा जप्त करण्यात आला आहे.
घुसखोरीचा दुसरा प्रयत्न लष्कर
लष्कराच्या अधिकाऱ्यांच्या मते, या वर्षी घुसखोरीचा हा दुसरा प्रयत्न आहे. तथापि, लष्कराच्या एका वरिष्ठ कमांडरने सांगितले की या वर्षी सीमेपलीकडून कोणतेही युद्धबंदी उल्लंघन आणि चिथावणी दिलेलीनाही.