Webdunia - Bharat's app for daily news and videos

Install App

जगन्नाथ मंदिराचे चारही दरवाजे उघडले, सीएम माझी यांनी सत्तेत येताच पूर्ण केले वचन

jagannath temple
Webdunia
गुरूवार, 13 जून 2024 (11:44 IST)
ओडिशाच्या भाजप सरकारने आपल्या पहिल्या कॅबिनेट बैठकीत गुरुवारी सकाळी पुरीतील श्री जगन्नाथ मंदिराचे चारही दरवाजे उघडले. सत्तेवर येताच त्यांनी जगन्नाथ मंदिराचे चार दरवाजे उघडण्याचा प्रस्ताव मंजूर करून या बाराव्या शतकातील मंदिराच्या तातडीच्या गरजांसाठी निधी उभारला. मुख्यमंत्री मोहन चरण माझी यांनी राज्य सचिवालय 'लोकसेवा भवन' येथे आपल्या मंत्र्यांसोबत झालेल्या बैठकीच्या अध्यक्षतेखाली ही माहिती दिली.
 
माझी म्हणाले, "राज्य सरकारने पुरी जगन्नाथ मंदिराचे चार दरवाजे सर्व मंत्र्यांच्या उपस्थितीत पुन्हा उघडण्याचा निर्णय घेतला आहे. या चारही दरवाज्यातून भाविकांना मंदिरात प्रवेश करता येणार आहे." सर्व मंदिरांचे दरवाजे उघडणे हे भाजपच्या निवडणूक जाहीरनाम्यातील वचन असून दरवाजे बंद असल्याने भाविकांची अडचण होत असल्याचे मुख्यमंत्र्यांनी सांगितले.
 
मागील बिजू जनता दल (BJD) नेतृत्वाखालील सरकारने कोविड-19 महामारीनंतर मंदिराचे चारही दरवाजे बंद केले होते. भाविकांना एकाच गेटमधून प्रवेश करता येत असल्याने सर्व दरवाजे उघडण्याची मागणी होत होती. मंदिराच्या संवर्धनासाठी 500 कोटी रुपयांचा निधी उभारण्याचा निर्णय मंत्रिमंडळाने घेतला असल्याचे माळी यांनी सांगितले.
 
माझी म्हणाले की, धानाची किमान आधारभूत किंमत (एमएसपी) 3100 रुपये प्रति क्विंटल करण्यासाठी राज्य सरकारही पावले उचलणार असून संबंधित विभागाला यासंदर्भात पावले उचलण्यास सांगण्यात आले आहे.
 
ते म्हणाले की, धानासाठी एमएसपी 3100 रुपये प्रति क्विंटल करण्याच्या प्रस्तावाची अंमलबजावणी करण्यासाठी लवकरच एक समिती स्थापन केली जाईल. सरकारच्या पहिल्या 100 दिवसांत हे काम पूर्ण होईल, असे मुख्यमंत्री म्हणाले. नवीन सरकार 100 दिवसांच्या आत सुभद्रा योजना लागू करेल, ज्या अंतर्गत महिलांना 50,000 रुपयांचे रोख 'व्हाऊचर' मिळेल. मुख्यमंत्री म्हणाले, "सुभद्रा योजनेच्या अंमलबजावणीसाठी विभागांना मार्गदर्शक तत्त्वे आणि फ्रेमवर्क तयार करण्यास सांगितले आहे."

संबंधित माहिती

सर्व पहा

नक्की वाचा

चारधामची यात्रा यमुनोत्रीपासूनच का सुरू होते? यामागील धार्मिक कारण जाणून घ्या...

Sant Gora Kumbhar महाराष्ट्रातील संत गोरा कुंभार संपूर्ण माहिती

लग्नात जेवण करताना या चुका करू नका, वास्तु नियम पाळा अन्यथा आरोग्य बिघडू शकते

स्वामी विवेकानंदांचे हे विचार तुमचे जीवन बदलतील आणि यशाच्या शिखरावर नेतील

उन्हाळ्यात सेवन करा थंडगार Fennel syrup

पुढील लेख
Show comments