तिराच्या औषध आयात करण्यासाठी लागणारे सर्व कर माफ

मुंबईतील पाच महिन्यांच्या तिरा या बालिकेच्या उपचारासाठी आवश्यक असणारी औषध अमेरिकेतून येणार होती. मात्र, या औषधांवर कोट्यवधीचा कर लागणार होता. परंतु, अथक प्रयत्नानंतर आता आयात करण्यासाठी लागणारे सर्व कर माफ करण्याचा निर्णय घेण्यात आला आहे. हा निर्णय घेतल्याबद्दल माजी मुख्यमंत्री आणि विधानसभेतील विरोधी पक्षनेते देवेंद्र फडणवीस यांनी पंतप्रधान नरेंद्र मोदीजी यांचे आभार मानले आहेत.

 या औषधावरील या सर्व करांतून सूट मागण्यासाठी देवेंद्र फडणवीस यांनी १ फेब्रुवारी रोजी पंतप्रधान नरेंद्र मोदी यांना पत्र पाठवून त्यासंबंधीची विनंती केली. पंतप्रधान यांनी निर्देश देताच, तातडीने त्यावर कार्यवाही झाली आणि त्यानुसार, ९ फेब्रुवारीला या औषधीपुरता सर्व कर माफ करणारा आदेश वित्त विभागाने जारी केला.