दिल्ली-जयपूर महामार्गावर डबल डेकर बस डिवाइडरला धडकली, एकाचा मृत्यू, 7 जण जखमी

दिल्ली-जयपूर महामार्गावर शुक्रवारी भरधाव वेगाने जाणारी डबलडेकर बस डिवाइडरला धडकून उलटून झालेल्या अपघातात 20 वर्षीय विद्यार्थ्याचा मृत्यू झाला असून सात प्रवासी जखमी झाले आहेत. पोलिसांनी सांगितले की, संदीप गुर्जर असे मृताचे नाव असून तो पानिपतच्या 'किंडर किन कॉलेज ऑफ एज्युकेशन'मध्ये जेबीटीचे शिक्षण घेत होता.  

मिळालेल्या माहितीनुसार बस चालक बस अतिशय वेगाने चालवत होता. विद्यार्थ्यांनी त्याला बसचा वेग कमी करण्यास सांगितल्यावर त्याने जयपूरला जाण्याची घाई असल्याचे सांगितले. "दिल्ली-जयपूर महामार्गावरील नरसिंगपूर गावाजवळ डिवाइडरला आदळल्यानंतर बसचे नियंत्रण सुटले आणि ती उलटली," पोलिसांना सूचना मिळताच पोलिसांनी घटनास्थळी दाखल झाली व लोकांच्या मदतीने प्रवाशांना वाचवले. पण बस चालकाने घटनास्थळावरून पळ काढला. एका वरिष्ठ पोलीस अधिकाऱ्याने सांगितले की, तक्रारीच्या आधारे, भारतीय न्याय संहितेच्या कलमांतर्गत बस चालकाविरुद्ध एफआयआर दाखल करण्यात आला आहे. पोस्टमोर्टमनंतर मृतदेह नातेवाईकांच्या ताब्यात देण्यात आला आहे.