Fighter Plane Crash: मध्य प्रदेशातील मुरैना येथे हवाई दलाचे सुखोई-३० आणि मिराज-2000 या लढाऊ विमानाचा अपघात

मध्य प्रदेशातील मुरैना येथे शनिवारी सकाळी एक मोठा अपघात झाला. ज्यात हवाई दलाची दोन लढाऊ विमाने सुखोई-30 आणि मिराज 2000 क्रॅश झाली. माहिती मिळताच बचाव पथक घटनास्थळी पोहोचले असून पुढील कारवाई करत आहेत. संरक्षण सूत्रांनी दिलेल्या माहितीनुसार, दोन्ही विमानांनी मध्य प्रदेशातील ग्वाल्हेर एअरबेसवरून उड्डाण केले, जेथे सराव सुरू होता

मुरैना जिल्ह्यातील पहाडगड जंगलात लढाऊ विमान कोसळल्याने आग लागली. माहिती मिळताच पोलिसांचा फौजफाटा पहाडगडच्या जंगलात रवाना करण्यात आला. या अपघातात अद्याप जीवितहानी झाल्याची माहिती मिळालेली नाही. ही घटना पहाडगड पोलीस ठाण्याच्या हद्दीतील मानपूर ईश्वरा महादेव जंगलातील आहे.

 जेट विमान पहाटे साडेपाच वाजता कोसळले. दोन्ही पायलट सुखरूप बाहेर पडले. या अपघातानंतर हवाई दलाने या प्रकरणाची चौकशी करण्यासाठी कोर्ट ऑफ इन्क्वायरी स्थापन केली आहे. 

दोन्ही विमाने एकमेकांवर आदळली की आणखी काही कारणामुळे हे पाहणार आहे. मिळालेल्या माहितीनुसार, अपघातादरम्यान सुखोई 30 मध्ये दोन पायलट होते तर मिराज 2000मध्ये एक पायलट होता. 2 पायलट सुरक्षित असल्याचे सांगण्यात येत आहे तर हवाई दलाचे हेलिकॉप्टर तिसऱ्या पायलटच्या ठिकाणी पोहोचले आहे.  

Edited By- Priya Dixit