मनीष सिसोदिया यांना उच्च न्यायालयाचा धक्का, जामीन अर्ज फेटाळला

दिल्लीचे माजी उपमुख्यमंत्री आणि आप नेते मनीष सिसोदिया यांनी दिल्लीतील कथित दारू घोटाळ्याशी संबंधित मनी लॉन्ड्रिंग प्रकरणात दाखल केलेला जामीन अर्ज उच्च न्यायालयाने फेटाळला आहे. सीबीआय आणि ईडीकडून तपास सुरू असलेल्या प्रकरणांमध्ये सिसोदिया यांनी जामीन मागितला होता. मात्र, न्यायालयाने सिसोदिया यांना त्यांच्या आजारी पत्नीला आठवड्यातून एकदा भेटण्याची परवानगी दिली आहे.

याआधी एका प्रकरणात राऊस अव्हेन्यू कोर्टाने सिसोदिया यांच्या न्यायालयीन कोठडीत 31 मे पर्यंत वाढ करण्याचे आदेश दिले होते. मनीष सिसोदिया हे तुरुंगातून व्हिडिओ कॉन्फरन्सिंगद्वारे कोर्टात हजर झाले. 14 मे रोजी झालेल्या खटल्याच्या सुनावणीत आप नेते, सीबीआय आणि ईडी यांचा युक्तिवाद ऐकल्यानंतर न्यायालयाने याचिकांवरील निर्णय राखून ठेवला होता. सिसोदिया 26 फेब्रुवारी 2023 पासून कोठडीत आहेत. सीबीआयने अटक केल्यानंतर त्याला ईडीने 9 मार्च 2023 रोजी अटक केली होती.

Edited by - Priya Dixit