संसदेत धक्काबुक्कीत जखमी झालेल्या खासदारांची आज होणार चौकशी

New Delhi News: संसदेतील धक्काबुकी बाबत दिल्ली पोलिसांची गुन्हे शाखा सोमवारी जखमी खासदारांचे जबाब नोंदवू शकते. याआधी पोलिसांनी संसदेतील सीसीटीव्ही फुटेज गोळा करण्याचे प्रयत्न तीव्र केले आहे. या प्रकरणाचा तपास चाणक्यपुरीस्थित आयएससी युनिट क्राइम ब्रँच करत आहे. तसेच या धक्काबुकीत भाजपचे दोन खासदार प्रताप सारंगी आणि मुकेश राजपूत जखमी झाले असून त्यांच्यावर आरएमएल रुग्णालयात उपचार सुरू आहे.

मिळालेल्या माहितीनुसार या प्रकरणाचे गांभीर्य लक्षात घेऊन शुक्रवारी रात्री गुन्हे शाखेचे एसआयटी पथक तयार करण्यात आले. SIT टीम उद्या या प्रकरणाचा तपास सुरू करू शकते. गुन्हे शाखेच्या या एसआयटीच्या टीममध्ये 2 एसीपी, 2 निरीक्षक आणि 3 उपनिरीक्षकांचा समावेश असेल जे थेट डीसीपीला अहवाल देतील अशी माहिती समोर आली आहे.

या प्रकरणाच्या तपासात दोन एसीपींचा एसआयटीमध्ये समावेश करण्यात आला आहे कारण हे प्रकरण राजकीयदृष्ट्या हायप्रोफाईल आहे. सामान्यतः असे दिसून येते की राजकीय हायप्रोफाईल प्रकरणे नेहमी तपासासाठी दिल्ली पोलिसांच्या ISC क्राइम ब्रँच युनिटकडे हस्तांतरित केली जातात. राहुल गांधींशी संबंधित एफआयआरची प्रत आणि तपास अद्याप नवी दिल्ली जिल्ह्यातील संसद पोलिस ठाण्यातून गुन्हे शाखेकडे सोपवण्यात आलेला नाही. ही प्रक्रिया लवकरच पूर्ण होईल.

Edited By- Dhanashri Naik