बसेसमध्ये देखील एअर होस्टेस असणार, विमानासारखी सुविधा मिळणार; नितीन गडकरी यांची मोठी घोषणा

नितीन गडकरी यांनी नवीन फ्लॅश चार्जिंग बसेसची घोषणा केली आहे. देशातील अनेक शहरांमध्ये अशा बसेस धावतील ज्यामध्ये लोकांना विमानांसारख्या सुविधा मिळतील. तसेच विमानासारख्या बसेस, एसी आणि एअर होस्टेस देखील असतील.

मिळालेल्या माहितीनुसार आता बसेसमध्येही विमानासारख्या आरामदायी सुविधा मिळतील. केंद्रीय रस्ते वाहतूक मंत्री नितीन गडकरी यांनी अलीकडेच घोषणा केली आहे की अशा आलिशान सुविधांनी सुसज्ज बसेस लवकरच देशात धावतील, ज्या पूर्णपणे विमानांच्या धर्तीवर डिझाइन केल्या जातील. यामध्ये एअर होस्टेस देखील असतील, ज्या प्रवाशांना चहा आणि कॉफी देतील. आरामदायी प्रवासासाठी बसेसमध्ये आरामदायी जागा बसवल्या जातील. इतकेच नाही तर या बसेसची तिकिटे डिझेल बसेसपेक्षा स्वस्त असतील.

नितीन गडकरी रस्त्यावर फ्लॅश चार्जिंग बसेस सुरू करणार आहे. या बसेसमध्ये एकाच वेळी १३५ लोक बसू शकतील. या अत्याधुनिक इलेक्ट्रिक बसेस असून ज्यांच्या जागा विमानांसारख्या आरामदायी असतील. या बसेसमध्ये एसी, एक्झिक्युटिव्ह चेअर आणि एअर होस्टेस असतील. त्यांना बस होस्टेस म्हटले जाईल, ज्या प्रवाशांना चहा-कॉफी, फळे, पॅक केलेले अन्न इत्यादी देतील. तसेच केंद्रीय मंत्र्यांनी नवी दिल्लीतील एका कार्यक्रमात या योजनेबद्दल सांगितले होते. त्यांनी सांगितले की टाटा ग्रुप्सच्या सहकार्याने या प्रकल्पावर काम सुरू आहे. 

नितीन गडकरी म्हणाले की, नवीन बस सुविधेसाठी कर्नाटकात टाटा ग्रुपसोबत पहिला प्लांट सुरू करण्यात आला आहे. या बस लवकरच सुरू केल्या जातील. 

Edited By- Dhanashri Naik