आता हिंदी आणि इंग्रजी व्यतिरिक्त CRPF भरती परीक्षा मराठीत होणार

केंद्रीय गृह मंत्रालयाने निमलष्करी दलात  (CRPFs) कॉन्स्टेबल GD च्या भरतीसाठी हिंदी आणि इंग्रजी व्यतिरिक्त 13 प्रादेशिक भाषांमध्ये परीक्षा आयोजित करण्यास मान्यता दिली आहे. CRPF मध्ये स्थानिक तरुणांचा सहभाग वाढवण्यासाठी आणि प्रादेशिक भाषांना प्रोत्साहन देण्यासाठी गृह आणि सहकार मंत्री अमित शहा यांच्या पुढाकाराने हा ऐतिहासिक निर्णय घेण्यात आला आहे. 

CRPF ची भरती परीक्षा ही स्टाफ सिलेक्शन कमिशनद्वारे आयोजित प्रमुख परीक्षांपैकी एक आहे. यामध्ये देशभरातून लाखो उमेदवार भाग घेतात.

हिंदी आणि इंग्रजी व्यतिरिक्त आसामी, बांगला, गुजराती, मराठी, मल्याळम, कन्नड, तमिळ, तेलगू, ओडिया, उर्दू, पंजाबी, मणिपुरी आणि कोकणी अशा13 प्रादेशिक भाषांमध्ये प्रश्नपत्रिका उपलब्ध करून दिली जाईल. . 

परीक्षा प्रादेशिक भाषेत असल्याने उमेदवारांना प्रश्नांची उत्तरे देता येणे फायद्याचे ठरेल . त्यामुळे नोकरीसाठी निवड होण्याची शक्यता वाढते.त्यांची भाषा बोलणाऱ्या उमेदवारांमध्येही उत्साह वाढेल.कॉन्स्टेबल (जनरल ड्युटी) परीक्षा ही कर्मचारी निवड आयोगाने आयोजित केलेल्या प्रमुख परीक्षांपैकी एक आहे. या परीक्षेत लाखो उमेदवार सहभागी होतात.पूर्वी प्रादेशिक भाषा परीक्षेत सहभागी न झाल्यामुळे स्थानिक तरुणांमध्ये इतर भाषांबद्दल न्यूनगंड निर्माण होत असे, तेही आता संपणार आहे.  

तामिळनाडू-तेलंगणासह अन्य राज्यांच्या नेत्यांनी प्रादेशिक भाषांमध्ये परीक्षा घेण्यावर नाराजी व्यक्त केली होती. तामिळनाडूचे मुख्यमंत्री एमके स्टॅलिन  स्टॅलिन यांनी गृहमंत्री अमित शहा यांना पत्र लिहून केंद्रीय राखीव पोलीस दल भरती परीक्षा अनेक प्रादेशिक भाषांमध्ये घेण्याचे आवाहन केले. स्टॅलिन यांनी या भरती परीक्षेत बेसिक हिंदी समजून घेण्यासाठी 25 टक्के गुण ठेवल्याबद्दल तक्रार केली होती. 

स्टॅलिन म्हणाले होते की, तमिळसोबत इतर प्रादेशिक भाषांनाही त्यात ठेवायला हवे. स्टॅलिन म्हणाले की, यामुळे तामिळनाडूतील तरुणांची सीआरपीएफ नोकरीसाठी निवड .होण्याची शक्यता कमी झाली आहे गृह मंत्रालयाने स्पष्ट केले आहे की कॉन्स्टेबल जनरल ड्युटी रिक्रुटमेंट सीएपीएफ परीक्षा 1 जानेवारी 2024 पासून हिंदी आणि इंग्रजी व्यतिरिक्त 13 प्रादेशिक भाषांमध्ये घेतली जाईल.  

Edited By - Priya Dixit